Ana Cipali Cembeceyo Cilicose Kwa Ŵawe?
Ciwa cikusamkwaya jwalijose jwetuwe. Nambo, ana ciwa cili mbesi ja yosope? Ana ŵawe ngasakumbucilidwa mpaka kalakala? Ana cipali cembeceyo cilicose pakwamba ya ŵandu ŵawe?
ALOLE YAJIKUSASALA BAIBULO:
ŴANDU ŴAWE MLUNGU NGASIŴALIŴALILA
“Ŵawile wosope . . . tacikopoka kapena kuti kwimuka m’malembe [“gacikumbucilo,” NW].”—Yohane 5:28, 29.
Mlungu cacajimusya kuŵawe ŵandu ŵakwakumbucila.
KUCIPAGWA KWIMUKA KUŴAWE PACILAMBO CAPASI
“Ŵandu wosope ŵaswela mtima ni ŵakusakala, cacijimuka kuŵawe.”—Masengo 24:15.
Ŵandu ŵajinji cacijimuka kuŵawe ni cembeceyo cakutama ni umi wamtendele mpaka kalakala.
CEMBECEYO CAKWIMUKA KUŴAWE CILI CAKUDALILICIKA
“[Mlungu] akusiŵalanga ndondwa musiŵelele, syosope akusipa mena.”—Salimo 147:4.
Naga Mlungu akusakombola kusikolanga ndondwa syosope mena gakwe, nikuti ngasim’yisawusya kwakumbucila ŵandu ŵacacajimusya.
