Mbali 7
Ana Yesu Klistu Ŵaliji Ŵani?
Yehofa ŵamtumisye Yesu pachilambo chapasi. 1 Yohane 4:9
Naga tukusaka kumsangalasya Yehofa, tukusosekwa kupikanila mundu jwinesoni jwakusosekwa mnope. Kanampanganye Adamu, Yehofa ŵapanganyisye mundu jwausimu jwamachili mnope kwinani.
Kaneko Yehofa ŵamtumisye munduju pa chilambo chapasi, ni ŵapagwile mu msinda wa Betelehemu kupitila mwa mwali jwine lina lyakwe Maliya. Mwanacheju ŵampele lina lyakuti Yesu.—Yohane 6:38.
Paŵaliji mundu pachilambo chapasi, Yesu ŵalosisye chenene ndamo sya Mlungu. Jwalakwe ŵaliji jwachanasa, jwachinonyelo, soni jwangasawusya kuŵechetana najo. Mwangali woga, jwalakwe ŵajiganyisye ŵane yisyesyene pakwamba ya Yehofa.
Yesu ŵatendaga yindu yambone, nambo ŵandu ŵamŵengaga. 1 Petulo 2:21-24
Achimlongola ŵa dini ŵamŵengaga Yesu ligongo jwalakwe ŵasalaga pelanga kuti jemanjajo ŵajiganyaga yaunami, soni kuti ŵatendaga yindu yakusakala.
Yesu ŵaposisyesoni ŵakulwala ni kwajimusya ŵandu ŵane ku chiwa.
Achimlongola ŵa dini ŵalimbikasisye Aloma kuti ampute Yesu, soni kuti amwulaje.
Mwine Mpaka Ayisache Ayi
ANA
Masiya Akukopocela
Ana Yehofa ŵakamulicisye masengo catuli malayika soni Yohane M’batisa pakwamanyisya ŵandu kuti Yesu ali Masiya? Ana Yehofa ŵamanyisye ŵandu catuli kuti Mwanagwe ali Masiya?
ANA
Yesu Akwiganya Pakwamba ya Ucimwene wa Mlungu
Ana ngani jekulungwa jaŵalalicilaga Yesu jaliji jatuli? Ana jwalakwe jwalosisye catuli kuti ulamusi ŵakwe uciŵa wacinonyelo soni wacilungamo?
