ʼE mahino ia Sesu ki te mamahi ʼe tou logoʼi moka ʼe tou tau mo te agakovi pea mo te heʼe faitotonu. Neʼe tukugakoviʼi hala, haha noa, fakamauʼi hala, fakatuʼa hala, pea mo matehi ʼi te mamahi. Logo la neʼe mole hana hala, kae neʼe ina lotolelei ke sakilifisioʼi “tona maʼuli ko he totogi maʼa te tokolahi.” (Mateo 20:28; Soane 15:13) ʼI te temi nei, ʼi tona ʼuhiga Hau ʼo te Puleʼaga ʼo te ʼAtua, kua vave tana fakahoko te faitotonu ʼi te kele katoa, ʼo fakagata te agakovi ʼo talu ai.—Isaia 42:3.

 ʼE fakaha ʼi te Tohi-Tapu te agaaga ʼo te kele moka ʼosi fakahoko anai e Sesu:

•   “ʼE kei toe pe he kiʼi temi, pea ʼe mole toe maʼu anai te kau agakovi. ʼE ke sio anai ki tonatou nofoʼaga, Kua natou pupuli. Kae ʼe maʼu anai e te kau agavaivai te kele, Pea ʼe natou fiafia anai ʼi te lahi ʼo te tokalelei.”—Pesalemo 37:10, 11.

 ʼE tou lava fakaha feafeaʼi totatou lotofakafetaʼi ki te ʼu meʼa fuli ʼae neʼe kua fai e Sesu pea mo ʼae ka ina fai anai maʼa tatou? Ohage ko tona tohi ia Luka 22:19, neʼe ui e Sesu ki tana ʼu tisipulo ke natou fakamanatu tona mate. Koia ʼae ʼi te taʼu fuli, ʼi te ʼaho ʼo tona mate, ʼe fakatahitahi ai te kau Fakamoʼoni ʼa Sehova. ʼE matou fakaafe koe ke ke fakatahi mo matou ki te Fakamanatu ʼo te mate ʼo Sesu ʼi te ʼAhotapu ʼaho 24 ʼo Malesio 2024.

Kumi He Faiʼaga ʼo Te Fakamanatu