TE TULE LE’O (NUSIPEPA AKO) Apelili 2018
ʼE maʼu ʼi te nusipepa ʼaeni te ʼu alatike ako ʼo te ʼaho 4 ʼo Sunio ki te ʼaho 8 ʼo Sulio 2018.
Te Ala ʼAe ʼe Ina Taki Ki Te ʼAteaina Moʼoni
ʼE fakaʼamu e ʼihi hahaʼi ke fakaʼateainaʼi natou mai te maʼuli popula, te fakapalatahi, mo te maʼuli masiva. Kae ʼe loto e ʼihi ke natou palalau faʼifaʼitaliha pea mo natou filifili te meʼa ʼae ʼe natou loto ki ai. ʼE feala koa ke tou maʼu ia te ʼateaina moʼoni?
Tou Tauhi Kia Sehova, Te ʼAtua ʼo Te ʼAteaina
Neʼe fakaʼateainaʼi feafeaʼi tatou e te laumalie ʼo te ʼAtua? Pea ʼe feafeaʼi hatatou mole fakaʼaogaʼi kovi te ʼateaina ʼae ʼe foaki mai e te ʼAtua?
Tou Faʼifaʼitakiʼi Ia Sehova—Te ʼAtua ʼAe ʼe Ina Foaki Te Fakalotomalohi
ʼE ʼaoga ke fakalotomalohiʼi tuʼumaʼu te hahaʼi ʼa Sehova.
Ke Tou Fefakalotomalohiʼaki ʼo “Laka Age”
ʼI te kua ovi mai ʼo te ʼaho ʼo Sehova, ʼe tonu ke tou tokakaga ki ʼotatou tehina mo tuagaʼane ke feala hatatou fakalotomalohiʼi natou ʼi te temi fuli pe ʼae ʼe ʼaoga ai.
Kau Tupulaga, ʼe Kotou Tokaga Koa ʼo Fai Hakotou ʼu Fakatuʼutuʼu Fakalaumalie?
ʼI ʼihi temi ʼe feala ke ke tuʼania te kau tupulaga ʼi te fai ʼo he tonu ki tonatou maʼuli ʼuhi ko te lahi ʼo te ʼu faigamalie ʼae ʼe natou maʼu. ʼE feafeaʼi hanatou filifili fakapotopoto tonatou ka haʼu?
