Tagda an hinbabaroan na han imo mamarati. Imbes nga utruhon la an ira hinbatian na hadto, buligi hira nga makita an topiko ha bag-o nga anggulo.

Pagsaliksik ngan pamalandong. Kon posible, pag-unabi hin mga impormasyon nga diri sugad ka pamilyar ha imo mamarati o mga panhitabo ha presente nga panahon nga magpapatin-aw han importante nga mga punto. Hunahunaa hin maopay an imo reperensya ngan an koneksyon hito ha impormasyon nga karuyag mo unabihon.

Ipakita an kapulsanan han imo mensahe. Isaysay kon paonan-o an mga teksto makakabulig ha adlaw-adlaw nga kinabuhi han imo mamarati. Paghisgot hin espisipiko nga mga sitwasyon, disposisyon, ngan mga buruhaton nga aplikado ha ira.