Nele nostre publicassion, ghen’è ritrati e ilustrassion che ne insegna tanto. Alora, come che quel che te vedi pol giutarte a imparar de pi?

• Prima, proa vardar i ritrati e le ilustrassion vanti de scominsiar a leder el artìcolo. Veder un magnar tanto bel pol assarne con ancora pi voia de magnarlo. Dela medèsima maniera, i ritrati e le ilustrassion pol giutarte a gaver ancora pi voia de leder el artìcolo. Alora, intanto che te li vedi, proa domandarte: ‘Cossa che posso imparar de quel che son drio veder?’ — Amòs 7:7, 8.

• Intanto che te ledi el artìcolo, proa pensar nei ritrati e nele ilustrassion che ghen’è lì. Se ghen’è scrito qualcossa soto, proa leder par capir de pi. Dopo, pensa come quel ritrato o ilustrassion te giuta a capir meio el artìcolo e pensa in come meter in pràtica quel che te ghè imparà.

• Dopo de leder tuto el artìcolo, dopera i ritrati e le ilustrassion par ricordarte dele robe pi importante. Te pol anca serar i oci e proar ricordarte dei ritrati e dele ilustrassion e de cossa che te ghè imparà.

• Adesso, varda nantra volta i ritrati e le ilustrassion de questa revista e proa ricordarte de quel che te ghè imparà nei studi.