Sarà che ti te sì parecià se sucedesse una desgràssia ndove te sì de star? Arquante de queste robe le pol suceder de colpo: teremoti, forti venti, inondassion, anca le foreste le pol ciapar fogo e la tera la pol vegner do par via de tanta piova. Anca, i atachi teroristi, greve, protesti e malatie che se spaia fàcile le pol suceder in qualche posto e de colpo. (Ecl. 9:11) No podemo mia pensar che queste robe no le va mai suceder con noantri.

Tuti noantri ghemo de esser pareciadi par situassion come queste. (Pro. 22:3) La organisassion de Geovà la ne giuta tanto quando che sucede una desgràssia, ma ancora cossita ghemo de far la nostra parte e pareciarse. — Gàl. 6:5

VARDA EL VÌDEO SITO PARECIÀ PAR UNA DESGRÀSSIA?, E DOPO RISPONDI A QUESTE DOMANDE:

• 

  Come che podemo pareciarse spiritualmente vanti de una desgràssia?

• 

  Parché che ghemo bisogno de . . .

  • • mantegner una bona comunicassion coi ansiani vanti, intanto e dopo che sucede una desgràssia?

  • • pareciarse vanti cole robe che ghemo de pi bisogno? — Despertai! 05/17 pàg. 6

  • • ricordarse che tipo de desgràssie le pol suceder e cossa far in cada situassion?

• 

  De che tre maniere podemo giutar quei che i ga passà par una desgràssia?