U TSHILA SA VHAKRISTE
Zwishumiswa Zwa Vhudavhidzani—Iledzani U Fashwa Nga Tshikwekwe
ZWI ITAHO URI ZWI VHE ZWA NDEME: U fana na zwishumiswa zwinzhi, zwishumiswa zwa vhudavhidzani zwi nga thusa kana zwa tshinya. Vhaṅwe Vhakriste vha khetha u sa shumisa zwishumiswa zwa vhudavhidzani. Vhaṅwe Vhakriste vha shumisa zwishumiswa zwa vhudavhidzani u itela u kwamana na miṱa yavho na dzikhonani. Naho zwo ralo, Sathane u ṱoḓa ri tshi shumisa zwishumiswa zwa vhudavhidzani nga nḓila i si yavhuḓi, zwine zwa nga ita uri ri ḓivhelwe zwithu zwi si zwavhuḓi na u tshinya vhushaka hashu na Yehova. U fana na Yesu, ri nga shumisa milayo i bvaho Ipfini ḽa Mudzimu uri ri kone u ḓivha na u iledza khombo.—Luk 4:4, 8, 12.
ZWIKWEKWE ZWINE ZWA TEA U ILEDZWA
-
U shumisa zwishumiswa zwa vhudavhidzani nga ho kalulaho. U fhedza tshifhinga tshinzhi kha zwishumiswa zwa vhudavhidzani zwi nga ḽa tshifhinga tshine ra nga tshi shumisa u ita mishumo ya Yehova.
Maitele a Bivhili: Ef 5:15, 16; Flp 1:10
-
ṱalela zwithu zwi soleaho. U sedza zwifanyiso zwa vhathu vha songo ambaraho zwi nga ita uri muthu a vhe na dzema ḽa u ṱalela zwifanyiso zwa vhudzekani kana a ḓifare luvhi. U vhala zwithu zwo ṅwalaho nga vhagunei kha Inthanethe zwi nga ita uri ri si tsha vha na lutendo.
-
U ṅwala kana u dzhenisa zwifanyiso zwi songo teaho. Ngauri mbilu ndi mudzia tshimbevha, muthu a nga vha na nḓowelo ya u ṅwala zwithu zwi songo teaho kana u dzhenisa zwifanyiso zwi si zwavhuḓi kha zwishumiswa zwa vhudavhidzani. Nga zwenezwo, hezwi zwoṱhe zwi nga ita uri muthu a ḓivhelwe zwithu zwi si zwavhuḓi kana lutendo lwawe lu fhungudzee.
Maitele a Bivhili: Rom 14:13; Ef 4:29
ṰALELANI VIDIO BE SOCIAL-NETWORK SMART, NAHONE NI VHONE URI NI NGA ILEDZA HANI ZWIIMO ZWI TEVHELAHO:
