Itshi ndi tshifanyiso tsha paradiso i ngaho ye Yehova a nga vha o sumbedza muporofita Yesaya we a tshila nga murahu ha Yona.

Paradiso i amba “tsimu” kana “phakha.” Naa i ni humbudza nga ha zwe ra vhuya ra zwi vhona buguni ino? I tou fana na tsimu ya u naka ye Yehova a itela Adamu na Eva, a i fani? Fhedzi naa ḽifhasi loṱhe ḽi ḓo vhuya ḽa vha paradiso?

Yehova o vhudza muporofita wawe Yesaya u ṅwala nga ha paradiso ntswa i ḓaho ya vhathu vha Mudzimu. O ri: ‘Dziphele na dzinngu zwi ḓo dzula zwoṱhe nga mulalo. Zwiṋamana na dzindawana zwi ḓo ḽa zwoṱhe, nahone vhana vhaṱuku vha ḓo zwi ḽisa. Na ṅwana ha nga huvhali arali a tamba tsini na ṋowa i lumaho.’

Vhanzhi vha ḓo ri: Ìzwi zwi nga si vhuye zwa itea. Ho ḓi vha na khombo kha ḽifhasi, nahone i ḓo ḓi vha hone.’ Fhedzi humbulani: Yehova o fha Adamu na Eva haya ho tou ita haniho?

Mudzimu o vhea Adamu na Eva paradisoni. Vho xelelwa nga haya havho ha u naka nge vha si thetshelese Mudzimu, vha hula vha fa. Mudzimu a fulufhedzisa uri u ḓo fha vhathu vha mu funaho zwithu zwe Adamu na Eva vha zwi xedza.

Paradisoni ntswa i ḓaho a hu na tshine tsha ḓo vhaisa kana u fhelisa. Hu ḓo vha na mulalo. Vhoṱhe vha ḓo vha vhe na mutakalo. Zwi ḓo nga samusi Yehova o ṱoḓa uri zwi vhe ngaho u thomani. Fhedzi ri ḓo guda nga murahu uri Yehova u ḓo zwi ḓisa hani.

Yesaya 11:6-9; Ndzumbululo 21:3, 4.