Ḽiṱaḓulu na ḽifhasi zwo bva ngafhi? Ḓuvha, ṅwedzi na dziṋaledzi, khathihi na zwithu zwinzhi kha ḽifhasi, zwo vha hone hani? Bivhili i ṋea phindulo ya ngoho musi i tshi ri zwo sikwa nga Mudzimu. Ngauralo bugu yashu i thoma nga mafhungo a Bivhili nga ha tsiko.

Ri guda uri, tsiko dza Mudzimu dza u thoma dzo vha dzi vhathu vha muya vha fanaho nae. Vho vha vhe vharuṅwa. Fhedzi ḽifhasi ḽo sikelwa vhathu vha ngaho riṋe. Mudzimu o ita munna na musadzi vha vhidzwaho Adamu na Eva a vha vhea tsimuni ya u naka. Fhedzi vha si pfe Mudzimu vha xelelwa nga ndugelo ya u tshila.

Miṅwaha yoṱhe, u bva nga tsiko ya Adamu u swika nga Maḓi Mahulu, yo vha i 1 656. Vhukati ha tshifhinga itshi ho tshila vhathu vhavhi vhanzhi. Ṱaḓulu, ho vha hu na vhathu vha sa vhonali vha muya, Sathane na vharuṅwa vhawe vhavhi. Kha ḽifhasi, ho vha hu na Kaini na vhaṅwe vhathu vhanzhi vhavhi, u katela na vhaṅwe vhanna vha maanḓa nga hu songo ḓoweleaho. Fhedzi ho vha hu na vhathu vhavhuḓi kha ḽifhasi—Abele, Henoxe na Noaxe. Kha Tshipiḓa tsha u thoma ri ḓo vhala nga ha avha vhathu na zwiitea.