Paruru i te ea: Eaha ta te Faatereraa arii a te Atua e rave?
“E ere no te mea ua iti mai te COVID-19, e ere faahou ïa te reira i hoê fifi atâta no te taata na te ao nei. . . . Ua papu ia tatou e ite faahou tatou i te tahi mau maˈi parare i mua nei, e mea titauhia ia faaineine ia tatou.”—Tedros Adhanom Ghebreyesus, te tia faatere rahi o te Taatiraa no te ea na te ao nei, 22 no Me 2023.
E rave rahi taata o te faaruru ra i te fifi i te pae ea e i te pae feruriraa no te maˈi parare COVID-19. Ua ineine anei te mau hau faatere e te mau faanahonahoraa o te haapao ra i te ea o te taata, i te maˈi parare i mua nei e i te faaafaro i to tatou mau fifi i te pae ea i teie mahana?
Te faataa ra te Bibilia i te hoê faatereraa o te horoa i te paruru i te pae ea hinaarohia e tatou. Te na ôhia ra: “E haamau te Atua o te raˈi i te hoê faatereraa arii.” (Daniela 2:44) I raro aˈe i tera faatereraa, “aita e taata e parau: ‘E maˈi to ˈu.’” (Isaia 33:24) E fanaˈo te taata atoa i te ea maitai e te itoito i to ratou apîraa.—Ioba 33:25.
E au atoa outou . . .
TE PAHONO RA TE BIBILIA
Eaha ta te Bibilia e parau ra no nia i te mau maˈi pee?
Te parau ra vetahi mau taata te faaohipa ra te Atua i te mau maˈi pee e te tahi atu mau maˈi no te faautua i te mau taata i teie mahana. Teie râ, aita te Bibilia e turu ra i teie manaˈo.
TUMU PARAU RAU
Eaha te tauturu ia oe i mua i te rohirohi no te maˈi pee?
Ia ore tatou e ara, e faaea mǎrû noa tatou i te pee i te mau ravea arairaa i te maˈi COVID.
HAAPIIRAA TUMU
Eaha te Basileia o te Atua?
O te Basileia o te Atua te tumu parau faufaa roa ˈˈe ta Iesu i haapii. E rave rahi matahiti ua pure ta ˈna mau pǐpǐ ia tae mai taua Basileia ra.
TUMU PARAU RAU
Te hoê tiaturiraa papu no te hoê oraraa maitai aˈe
Mea taa ê te mau parau fafau a te Bibilia i te parau e te tohuraa a te taata.
NO NIA IA MATOU
A ani i te hoê farereiraa
Aparauraa no nia i te Bibilia aore ra no te ite atu â no nia i te mau Ite no Iehova.
