ABUSUA NO ne nnipa ahyehyɛde a akyɛ paa a wonim, nanso ɛwɔ ɔhaw mu nnɛ. Mmofra a wɔadu mpanyin afe so a wɔde wɔn ho hyɛ nnubɔnenom ne ɔbrasɛe mu a wɔadɔɔso ma ɛyɛ hu, ɛnnɛyi awaregyae ne abusua mu basabasayɛ ho haw, ɔwofo-biako mmusua a adɔɔso ma ɛyɛ nwonwa, ne ɔhaw afoforo a anibere wom mma ebinom nnye nni sɛ abusua asetra betumi agyina.

So abusua bi betumi ayɛ baabi a emufo benya ahobammɔ ne ntetee? Yiw, sɛ abusua no mufo nim nea ɛde abusua mu anigye ba ankasa a. Nea ɛde ba yi nyɛ ade a ahintaw. Wɔasɔ ahwɛ mpɛn pii wɔ mfehaha pii mu. Ɛne dɛn? Nea Ɛde Abusua Mu Anigye Ba nhoma yi ma ho mmuae. Ɛde nhwɛso ahorow a mfaso wɔ so a ɛkyerɛ sɛnea “nea ɛde ba” yi betumi aboa ma wɔadi abusua mu nsɛnnennen pii so nso ma. So obi wɔ hɔ nnɛ a onhia nimdeɛ a ɛte saa?