Pa 29 October, 2024, vula yankhongono chomene yikalokwa mwamabuchi kumwera chakumanjiliro gha dazi kwa Spain. Vigaŵa vinandi vya ku Valencia vikapokera vula yikuru chomene iyo yikalokwa kwa maora 8 pera. Vula iyi yikaŵa yinandi chomene iyo njakwenelera kulokwa chaka chose. Mwachiyelezgero, tawuni ya Turis yikapokera vula yikuru chomene ya masentimita 64. Chifukwa cha kututuka kwa maji kweniso kulindimuka kwa charu vikapangiska kuti mu matawuni ghanandi muzure mathipa kweniso kunanga misewu na mabuliji. Ŵanthu ŵanandi ŵalije chakurya, maji, kweniso magesi. Ŵanthu pafupifupi 217 ŵali kufwa, ndiposo ŵanyake ŵanadi ŵali kusoŵa.

• Chachitima ntchakuti mudumbu withu wa vyaka 77 wali kufwa pa ngozi iyi

• Ŵapharazgi 19 ŵali kusama mu nyumba zawo

• Nyumba yimoza yili kunangikirathu

• Nyumba 21 zili kunangika chomene

• Nyumba 27 zili kunangika pachoko waka

• Ŵapharazgi 157 ŵali kuluza magalimoto ghawo chifukwa cha maji ghakututuka agha

• Nyumba za Ufumu zitatu zili kunangika chomene

• Ŵabali ŵakwimila ofesi ya munthavi, ŵalaŵiliri ŵadera, kweniso ŵabali ŵalara ŵakukhozga ŵabali na ŵadumbu kweniso kuŵawovwira

• Komiti Yakovwira Para Kwachitika Soka yili kupangika kuti yidangilire pa mulimo wakupereka wovwiri

• Mu vigaŵa ivyo vindakhwaskike na ngozi iyi, ŵabali na ŵadumbu ŵajipereka kukhala na ŵabali na ŵadumbu mu nyumba zawo awo ŵakhwaskika na ngozi iyi

Tili na chitima chomene chifukwa cha ŵabali na ŵadumbu ŵithu awo ŵakhwaskika na ngozi iyi ku Spain. Ndipouli, tikukhozgeka chomene na layizgo la mu Baibolo lakuti mu nyengo za masuzgo, wose awo ŵakuthemba Yehova kuŵa nkhongono zawo kweniso chivikiliro chawo ‘wopenge yayi.’—Yesaya 12:2.