Ŵabali na ŵadumbu ŵanandi ŵakugwiliskira ntchito nkhani izo zafumiskika waka pa peji lakwamba la jw.org mu uteŵeti. Ni zambura kusuzga kutumizga kwizira pa Intaneti, ndipo kanandi zikulongosora umo vyakuchitika vyasono vikufiskira uchimi wa mu Baibolo. Mubali munyake wakalemba kuti nkhani za pa peji lakwamba la webusayiti yithu, ni “za panyengo yake kupharazgira mu uteŵeti panyengo yasono.”

Kweni kanandi nkhani izi ŵakuwuskapo na kuŵikapo zinyake, ipo tingachita wuli kuti tizisange nkhani izo zikuwonekaso yayi pa peji lakwamba la webusayiti yithu?

• Pa peji lakwamba la jw.org, dofyani linki yakuti “Wonani Vinandi.” Linki iyi yimujuliraninge peji la mutu wakuti “Nkhani Izo Zanguŵikika Mwasonosono pa Peji Lakwamba la Webusayiti Yithu,” ndipo pa peji ili musangenge nkhani zinandi izo zafumiskika waka mwasonosono.

• Pa jw.org panji pa JW Library^®, sankhani “Layibulare,” kufuma apo sankhani “Nkhani Zakupambanapambana,” ndipo paumaliro “Nkhani Zinyake.” Chigaŵa ichi chili na nkhani zinandi izo zikuŵa pa peji lakwambilira la webusayiti yithu.