Ruhanga eby’Agonza Nibiha?
Ruhanga n’agonza twikale omu businge n’okusemererwa omu rugonjo rwe orurungi ebiro byoona!
Baitu n’osobora kwekaguza ekyo kirisoboka kita? Baibuli n’eyoleka ngu Obukama bwa Ruhanga nubwo burakihikiriza. N’agonza abantu boona bamanye ebirukukwata ha Bukama bunu n’eby’arukubagondeza.
Ruhanga n’agonza tugasirwe.
Nkoku taata omurungi agondeza abaana be kuba kurungi, nukwo na Isiitwe ow’omu iguru agonza tusemererwe ebiro byoona. (Isaya 48:17, 18) Araganiize ngu ogu “anyakukora Ruhanga ebyagonza aikara ebiro n’ebiro.”
Ruhanga n’agonza tuhondere emihanda ye.
Baibuli n’egamba ngu Omuhangi waitu “alitwegesa ebyemihandaye naitwe tuligendera omu mpendaze.” (Isaya 2:2, 3) Atekaniize “ihanga habwa ibaralye” kumanyisa ebyagonza omu nsi yoona.
Ruhanga n’agonza tumuramize hamu.
Mu kiikaro ky’okwahukaniza abantu, okuramya okw’amananu kubateraniza hamu omu kugonza. (Yohana 13:35) Nibaha omu kasumi kanu abarukwegesa abantu kuhereza Ruhanga beteraine? Akatabu kanu nikaija kukukonyera kubamanya.
Nosobora Kugonza na Binu;
EBIRUKUTUKWATAHO
Omulingo Twegesa Abantu Baibuli
Omu nsi yoona, Abakaiso ba Yahwe bamanyirwe habw’enteekaniza yaabu ey’okwegesa abantu Baibuli habwa busa. Rora omulingo tukikora.
EBIRUKUTUKWATAHO
Habwaki Osemeriire Kwega Baibuli?—Akavidiyo Akakooto
Baibuli ekonyire obukaikuru n’obukaikuru bw’abantu omu nsi yoona kutunga eby’okugarukamu by’ebikaguzo ebikuru omu bwomeezi. N’ebyawe wakugondeze bigarukwemu?
