IKARA OLI BULINDAARA!
Ekyanda eky’Amaani—Baibuli Ekibazaaho Ki?
“Ihanga lya China likagamba ngu mwaka gunu habaireyo ekyanda ekirukukirayo kuba ky’amaani eky’omurundi ogwakasatu omu byafaayo.”—The Guardian, Sebutemba 7, 2022.
“Ekyanda ekiri omu bicweka ebimu eby’omu Afrika nikisobora kugumizaamu habw’omwaka gwa kataano.”—Amakuru ga UN, Agusto 26, 2022.
“Ekicweka ekirukuhingura ha kimu kya kabiri ekya Bulaaya nikinihirwa kubamu ekyanda eky’amaani, kandi kinu nikisobora kuba nikyo ekyanda ekirukukirayo kuba ky’amaani omu myaka 500.”—Amakuru ga BBC, Agusto 23, 2022.
Abakugu baingi nibatebereza ngu ekyanda nikiija kugumizaamu kandi nikisobora kweyongera. Haroho okunihira kwona ngu omu kasumi k’omumaiso ebintu birasemera? Baibuli egamba ki?
Baibuli ekaranga ngu halibaho ekyanda
Baibuli ekiyarangire ngu kiribaho omu kasumi akaturumu:
“Nebiihe biribaho handi nahandi.”—Luka 21:11.
Ekyanda kikira kuleetaho ebiihe rundi ibura ly’ebyokulya. Ibura ly’ebyokulya, okubonabona, n’okufa okuleetwa ekyanda nibihikiiriza obunabbi bwa Baibuli.—Okusuku’rwa 6:6, 8.
Habwaki ekyanda nikyeyongera
Baibuli etuha ensonga habwaki ekyanda nikyeyongera. Egamba eti:
“Tikiri omu muntu arukugenda okuterekereza ebigerebye.”—Yeremiya 10:23.
Kinu nikimanyisa ngu abantu tibasobora kuterekereza kurungi ebigere byabo rundi kwerema bonka. Encwamu zaabo embi nizo zikizire kuleeteho ekyanda niibura ly’amaizi.
Abanyasayansi baingi nibaikiriza ngu emirimo y’abantu niyo eretiire obutagasi bw’ensi kweyongera, kyaleetera ekyanda kweyongera omu bicweka bingi eby’ensi.
Omururu hamu n’ebiragiro eby’okwegondeza biresereho kutema ebibira, kusiisa eby’obuhangwa, n’okukozesa kubi eby’obuguuda eby’ensi. Kandi ebintu nka binu, birugiremu kusiisa ensoro z’amaizi n’ebintu ebikonyera omu kukora enjura.
Baitu Baibuli etuha okunihira.
Haroho okunihira kwona okw’omu kasumi ak’omumaiso?
Baibuli n’eraganiza ngu Ruhanga alimaraho ibura ly’amaizi. Omu mulingo ki?
1. Ruhanga ‘alihwerekereza abo abahwerekereza ensi.’ (Okusuku’rwa 11:18) Aliihaho abantu ababi abanyakwine omururu, abakora ebintu ebisiisa eby’obuhangwa kandi bikaleetaho ibura ly’amaizi.—2 Timoseo 3:1, 2.
2. “Nomusenyi ogurukwokya gulifoka ekijongo.” (Isaya 35:1, 6, 7) Ruhanga aligarra buhyaka ebintu ebisiisirwe ekyanda kandi ensi yoona agifoole orugonjo orurungi orwine amaizi agarukwetaagisa.
3. “[Ofaaho kurungi] ensi oginagira enjura ogitungisa itungo lingi.” (Zabuli 65:9) Ruhanga naija kuha ensi omugisa kandi eriijura ebyokulya ebirungi n’amaizi amecumi.
Nosobora Kugonza na Binu;
IKARA OLI BULINDAARA!
Ensi Kweyongera Kwokya—Baibuli Ekibazaaho Ki?
Akasumi kalihika kibe kitakyasoboka kwikara omu nsi
EBY’OKUGARUKAMU EBY’EBIKAGUZO EBIRUKUKWATA HA BAIBULI
Ensi Erihika Ehwerekerezebwe?
Baibuli eky’egamba nikisobora kukuhuniiriza.
ENYEGESA ZA BAIBULI ENKURU
Habwaki Ruhanga Yahangire Ensi?
Ensi yaitu eijwiremu ebintu ebisemiire. Eri omu mwanya omurungi kuruga ha izooba, eyekiikiremu kurungi, kandi eyetororra ha sipiidi enyakusemeriire. Habwaki Ruhanga yatairemu amaani maingi kuhanga ensi?
IKARA OLI BULINDAARA!
Ensi Eriyo n’Ehwerekerezebwa—Baibuli n’Ekibazaaho Ki?
Orukarra rumu kuruga omu Baibuli nirwoleka ebintu bisatu ebinyakuli ndugirro y’ebizibu ebitaire ensi yaitu omu kabi ebirukuleetwaho kusiisa eby’obuhangwa.
EBIRUKUTUKWATAHO
Saba Kubungirwa
Tunga eky’okugarukamu ky’ekikaguzo kyawe, rundi omanye ebirukukiraho ebirukukwata h’Abakaiso ba Yahwe.
