Nkama lowu Vayisrayele va nga fika ka Tiko la Xitshembiso, ndhawu leyi a va ya ka yona swaku va ya gandzela Yehovha, a ku li ka tabernakela. Vaprista a va djondzisa minawu, se vayavanyisi a va nyikela minkongomiso yin’wani ya Xikwembu leyi a yi pfuna Vayisrayele. Switoriya leswi landzelaka swi ta kombisa leswi swiboho swa munhu ni swilo leswi a swi yendlaka ka wutomi la yena swi nga li kumbisaka xiswona wunghanu la yena na Yehovha ni leswi swi nga va khumbisaka xiswona vanhu van’wani. Se pfuna n’wana wa wena leswaku a vona ndlela leyi Debora, Nawomi, Yoxuwa, Ana ni n’wana wa Yefta ku patsa na Samuwele va nga va xikombiso xaxinene hi yona ka ku gandzela Yehovha. Tlhela u pfuna n’wana wa wena ku vona swaku Rahabi, Ruti, Yayele, Vagibiyoni ni vanhu van’wani lava a va nga mu tirheli Yehovha va lange ku nyima ni Vayisrayele hikusa a va swi tiva swaku Xikwembu a xi li na vona.