Djondza Ka Switoriya Swa Bibele
Buku leli li ta ku pfuna ku djondza hi xitoriya xa ku yendliwa ka swilo hinkwaswu, ku psaliwa ka Yesu Kreste, ni ku ta ka Mfumu. Ku ni mareferensiya ya Bibele.
Karta La Ntlhawa Lowu Rhanghelaka
Buku leli li tirhisisiwa ku yini?
XITORIYA 1
Xikwembu Xi Yendle Matilo Ni Misava
Bibele li vula swaku Xikwembu xi yendle matilo ni misava. Hi mhaka muni Xikwembu xi rhange hi ku yendla ntsumi yin’we na xi nge se yendla swilo leswin’wani hinkwaswu?
XITORIYA 2
Xikwembu Xi Yendle Wanuna Ni Wansati Wa Ku Sungula
Xikwembu xi yendle wanuna ni wansati wa ku sungula xi gama xi va veka ka jardim la Edeni. A xi lava leswaku va va ni ndjangu wawukulu ni ku yendla leswaku misava hinkwayu yi va paradesi.
XITORIYA 3
Adamu Na Evha Va Tshike Ku Yingisa Xikwembu
Nsinya wun’wani lowu a wu li jardim a wu hambanise ku yini ni minsinya leyin’wani? Hi mhaka muni Evha a dlile fruta la nsinya wolowo?
XITORIYA 4
Khayini A Kwatile Hintamu, A Dlaya Makwavu
Yehovha a li tsakelile prezenti la Abele. Kambe a nga li tsakelanga prezenti la Khayini. Se Khayini a kwate hintamu a gama a yendla minchumu ya ku biha.
XITORIYA 5
Ngalava Ya Nowa
Nkama tintsumi ta ku kala ti nga yingisi ti nga chada ni vavasati ti ve ni vana va ku leha hintamu lava a va rhandza ku lwa. Vanhu hinkwavu a va tshamela ku lwa. Kambe Nowa a a hambanile ni vanhu lavo, yena a rhandza Xikwembu a tlhela a xi yingisa.
XITORIYA 6
Ku Yo Pona 8 Wa Vanhu Ntsena
Mpfula yi nile 40 wa masiku, wusiku ni nhlikanhi. Ku helile lembe na Nowa ni ndjangu wa yena va li ngalaveni. Se hi wugamu va humile.
XITORIYA 7
Prediyu La Babele
Vanhu va sungule ku yaka doropa ni prediyu leli a va lava leswaku li fika tilweni. Hi mhaka muni Xikwembu xi yendle swaku va vulavula tirimi ta ku hambana?
XITORIYA 8
Abrahamu Na Sara Va Yingise Xikwembu
Hi mhaka muni Abrahamu na Sara va txintxe wutomi la vona la ku hanya ka doropa la Ura swaku va ya hanya ka tiko la Kanana na va tshama ka matende?
XITORIYA 9
Abrahamu Na Sara Va Va Ni N’wana
Xikwembu a xi ta xi hetisisa ku yini xitshembiso lexi nga tshembisa Abrahamu? A xi ta tirhisa mani ka vana va Abrahamu, Izaki kumbe Ismayeli?
XITORIYA 10
Khumbuka Nsati Wa Lota
Xikwembu xi nise ndzilu ni swiribyani ahenhla ka Sodoma ni Gomora. Hi mhaka muni madoropa lawa ma helisiwile? Hi mhaka muni hi fanele hi khumbuka nsati wa Lota?
XITORIYA 11
Xikombelo Xa Ku Karhata Hintamu
Xikwembu xi byele Abrahamu xi ku: ‘Ni kombela u teka n’wana wa wena u ya mu nyikela leswaku a ya va gandzelo ka Ntshava ya Moriya.’ I mpsini leswi Abrahamu a a ta swi yendla ka xikombelo lexi xa ku karhata hintamu?
XITORIYA 12
Mahahla Ya Ku Hambana
Izaki na Rabeka va ve ni vana va mahahla, mavito ya vona a ku li Esawu na Yakobe. Esawu hi yena wa ku sungula a psaliwa, hi mhaka leyo a a ni mfanelo ya ku kuma tshomba. Hi mhaka muni a txintxe tshomba la yena hi pratu la timbaweni?
XITORIYA 13
Yakobe Na Esawu Va Tlhela Va Twanana
Yakobe a swi kotise ku yini ku katekisiwa hi ntsumi? Naswona a yendle yini leswaku a tlhela a twanana na Esawu?
XITORIYA 14
Jovhem Leli Nga Yingisa Xikwembu
Yosefa a yendle leswi a swi li swinene kambe a hluphekile hintamu. Hi mhaka muni?
XITORIYA 15
Yehovha A Nga Mu Khohlwanga Yosefa
Hambileswi Yosefa a a li kule ni va ndjangu wa yena, Yehovha a swi kombisile swaku a a li na yena.
XITORIYA 17
Moxe A Lange Ku Tirhela Yehovha
Nkama Moxe na wa ha li xibebetani, mamani wa yena a yendle planu leli nga mu ponisa.
XITORIYA 19
Makhombo Manharhu Ya Ku Sungula
Faru a yendle leswaku vanhu va yena va kumana ni makhombo ya manyingi hikusa a a tibyela naswona a a nga lavi ku yendla leswi Yehovha a nga mu byela swona.
XITORIYA 20
6 Wa Makhombo Lawa Ma Nga Tlhela Ma Humelela
Makhombo lawa ma hambanisa ku yini ni lawa man’wani ya manharhu?
XITORIYA 21
Khombo La Wu 10
A khombo leli a li chavisa hintamu lakaku hambi hi Faru lweyi a a tibyela a ze a tshika Vayisrayele va famba.
XITORIYA 22
Yehovha A Yendla Singita Ka Lwandle La Ku Pshuka
Faru a ponile ka 10 wa makhombo kambe ku nga va swaku a ponile ka singita leli Yehovha a nga li yendla ka Lwandle la Ku Pshuka?
XITORIYA 23
Xitshembiso Lexi Va Nga Xi Yendlela Yehovha
Vayisrayele va yendle xitshembiso xa lisima hintamu ka Xikwembu nkama lowu a va li ka Ntshava ya Sinayi.
XITORIYA 24
Vayisrayele A Va Yendlanga Leswi Va Nga Swi Tshembisa
Nkama Moxe a a li ku tekeni ka 10 wa minawu, vanhu va sale va yendla xidjoho xaxikulu.
XITORIYA 25
Ndhawu Ya Ku Gandzela Ka Yona Yehovha
Ka tende leli la xipesiyali a ku ni areka ya ntwananu.
XITORIYA 26
12 Wa Vakambeli
Yoxuwa na Kalebe a va hambanile ni 10 wa vavanuna lava va nga ya kambela tiko la Kanana.
XITORIYA 27
Yehovha A Khatise Lava Nga Tshika Ku Mu Yingisa
Kora, Datani, Abirami, ni 250 wa vavanuna a va yi twisisanga ndlela leyi Yehovha a a yendla swilo hi yona.
XITORIYA 28
Mbongolo Yi Vulavula Na Balamu
Mbongolo a yi vona ntsumi kambe Balamu a a nga swi koti ku yi vona.
XITORIYA 29
Yehovha A Lange Yoxuwa
Minkongomiso leyi Yehovha a nga nyika Yoxuwa, na hina yi nga hi pfuna namuntlha.
XITORIYA 30
Rahabi A Tumbete Vakambeli
Mimuru ya Yeriko yi wile kambe a munti wa Rahabi a wu wanga hambileswi a wu yakiwe ka muru.
LESSON 31
Yoxuwa Ni Vagibiyoni
Yoxuwa a khongele ka Xikwembu a ku: “Dlambu Nyima!” Indjhe Xikwembu xi mu hlamulile?
XITORIYA 32
Hosi Ya Nyuwani Ni Vavasati Vambirhi Lava A Va Nga Chavi Nchumu
Nkama Yoxuwa a nga fa, Vayisrayele va game va sungula ku gandzela swifaniso. Wutomi la vona li game li karhata hintamu kambe Yehovha a va pfunile hi ku tirhisa muprofeta Debora, muyavanyisi Baraki na Yayele!
XITORIYA 33
Ruti na Nawomi
Vavasati vambirhi lava nga feliwa hi vanuna va vona va tlhelela aIsrayele. Mun’we wa vona ku nga Ruti a ye a ya tirha a masin’wini lani a nga kumana na Bowazi
XITORIYA 34
Gidiyoni A Hlula Vamidiyani
Nkama lowu Vamidiyani va nga sungula ku hlupha Vayisrayele, vanhu va kombele Yehovha swaku a va pfuna. Swi kotekise ku yini swaku masonchwa ya Gidiyoni lawa a ma li matsongo ma hlula 135.000 wa masonchwa ya Vamidiyani?
XITORIYA 35
Xikhongelo Xa Ana
Elkana a teka Ana, Penina ni vana leswaku va ya gandzela Yehovha ka tabernakela aXilo. Na va li kohala Ana a khongela a kombela swaku a va ni n’wana. Ku gama ku hundza lembe a psala Samuwele!
XITORIYA 36
Xitshembiso Xa Yefta
Hi xini xitshembiso lexi Yefta a nga xi yendla naswona hi mhaka muni? N’wana wa Yefta a titwise ku yini hi xitshembiso lexi papayi wa yena a nga xi yendla?
XITORIYA 37
Yehovha A Vulavula Na Samuwele
Vana vambirhi va Eli a va li vaprista ka tabernakela kambe a va nga yi yingisi a minawu ya Xikwembu. Kambe Samuwele a a hambanile na vona. Siku lin’wani, Yehovha a vulavule na yena niwusiku.
XITORIYA 38
Yehovha A Nyike Ntamu Samsoni
Xikwembu xi yendle swaku Samsoni a va ni ntamu leswaku a kota ku lwa ni vafilista kambe nkama a nga yendla swilo swa ku kala swi nga li swinene, Vafilista va mu khomile.
XITORIYA 39
Hosi Ya Ku Sungula Ya Israyele
Xikwembu xi va nyike vayavanyisi Vayisrayele leswaku va va kongomisa kambe vona va kombele ku va ni hosi. Samuwele a mu chele mafurha Sawulo leswaku a va hosi ya ku sungula kambe hi ku famba ka nkama Yehovha a mu tshikile Sawulo. Hi mhaka muni?
XITORIYA 40
Davhida Na Goliyadi
Yehovha a lange Davhida swaku a va hosi ya Israyele naswona Davhida a swi kombisile swaku a a faneleka.
XITORIYA 41
Davhida Na Sawulo
Hi mhaka muni mun’we ka vavanuna lava a a nyenya lweyi mun’wani naswona lweyi a a nyenyiwa a yendle yini?
XITORIYA 42
Yonatani Munghanu Wa Ku Tshembeka A Tlhela A Nga Chavi Nchumu
N’wana wa Hosi a ve munghanu wa mukulu wa Davhida.
XITORIYA 43
Xidjoho Xa Hosi Davhida
A xiboho xa ku kala xi nga li xinene xi yendla leswaku hi kumana ni swikarhatu.
XITORIYA 44
Tempele Ya Yehovha
Xikwembu xi pfumela leswi Solomoni a nga xi kombela swona xi tlhela xi mu nyika minchumu ya yinyingi.
XITORIYA 46
Leswi Nga Humelela Ka Ntshava Ya Karmeli
I mani Xikwembu xa ntiyiso? I Yehovha kumbe i Bali?
XITORIYA 48
Ku Pfuxiwa Ka N’wana Wa Wansati Lweyi A A Feliwe Hi Nuna
Minchumu yimbirhi ya ku hlamalisa yi yendleka ka munti wa wun’we!
XITORIYA 49
Ku Dlayiwa Ka Hosi Ya Xisati
Jezabele a yendla maplanu ya ku dlaya Muyisrayele lweyi a a vitaniwa Naboti leswaku a teka nsimu ya yena! Kambe Yehovha a swi vonile swilo hinkwaswu swa ku biha leswi a nga swi yendla.
XITORIYA 50
Yehovha A Vhikela Yehoxafati
Nkama Vayuda va nga chaviseliwa hi valala va vona, Yehoxafati lweyi a a li hosi yayinene a kombele ku pfuniwa hi Xikwembu.
XITORIYA 51
Namani Ni Xin’wanani Xa Muyisrayele
Xin’wanani xa Muyisrayele xi byela nsati wa Namani hi matimba ya Yehovha, se Namani a gama a hanyisiwa.
XITORIYA 52
Masonchwa Ya Matimba Ya Yehovha
Mupfunisi wa Elixa a swi vonise ku yini leswaku i ‘vanyingi lava nga na hina ku tlula lava nga na vona’.
XITORIYA 54
Yehovha A Mu Lehisele Mbilu Yonasi
Swi yendlekise ku yini swaku muprofeta wa Xikwembu a mintiwa hi hlampfi? A humise ku yini hi ndzeni ka hlampfi? Naswona i mpsini leswi Yehovha a alava ku mu djondzisa swona?
XITORIYA 55
Ntsumi Ya Yehovha Yi Vhikele Hezekiya
Valala va Vayuda va vule swaku Yehovha a a nga ta va vhikela vanhu va yena kambe leswo a ku nga li ntiyiso!
XITORIYA 56
Yosiya A A Swi Rhandza Ku Djondza Hi Yehovha
Yosiya a ve hosi ya Yuda nkama na a ni 8 wa malembe, naswona a pfune vanhu va yena swaku va gandzela Yehovha.
XITORIYA 57
Yeremiya A Chumayele Na A Nga Chavi Nchumu
Leswi Yeremiya a nga swi vula swi yendle swaku madoda ma mu kwatela.
XITORIYA 58
Ku Helisiwa Ka Yerusalema
Vanhu va Yuda va tame va gandzela swikwembu swa mavunhwa, hi mhaka leyo Yehovha a va tshikile.
XITORIYA 59
4 Wa Majovhem Lawa Ma Nga Yingisa Yehovha
Vayuda lava a va li majovhem a va tinyimisele ku tama va tshembeka ka Yehovha hambiloko va li phambheni ka hosi ya Babilona.
XITORIYA 60
Mfumu Lowu Nga Ta Tshama Hi Masiku
Daniyele a tlhamusela Nebukadinazara leswi a nga swi lorha.
XITORIYA 61
Vona A Va Xi Gandzelanga Xitatuwa
Xadraki, Mexaki na Abedinigo va yale ku gandzela xitatuwa xa woru xa hosi ya Babilona.
XITORIYA 62
Nsinya Wa Ku Leha Hintamu
Leswi Nebukadinazara a nga swi lorha, a swi kombisa leswi a swi ta mu yendlekela.
XITORIYA 63
Marito Lawa Ma Nga Tsaliwa Ka Paredi
Voko li humelele hi nkama muni na li tsala ka paredi naswona leswo swi vula yini?
XITORIYA 64
Daniyele A Petiwa Ka Xikhele Xa Tinghonyama
Ku fana na Daniyele khongela ka Yehovha siku ni siku!
XITORIYA 65
Estere A Ponise Vayuda
Hambileswi a a li Muyuda a tlhela a feliwa hi vapsali, swi kotekile swaku a va hosi ya xisati.
XITORIYA 66
Ezra A Djondzise Minawu Ya Yehovha
Loko Ezra a lerhele minawu Vayisrayele, vona va yendle xitshembiso ka Yehovha.
XITORIYA 67
Mimuru Ya Yerusalema
Nehemiya a tive leswaku a a lava ku dumeliwa hi valala va vona. Hi mhaka muni a a nga chavi?
XITORIYA 68
Elizabeti A Kuma Nyimba
Hi mhaka muni nuna wa Elizabeti a byeliwile swaku a a nga ta swi kota ku khuluma anze Elizabeti a psala n’wana?
XITORIYA 69
Mariya A Yendzeliwa Hi Ntsumi Gabriyele
Ntsumi Gabriyele yi mu nyike mahungu lawa ma nga txintxa wutomi la yena.
XITORIYA 70
Ku Psaliwa Ka Yesu
Valusi lava va nga twa ku tivisiwa ka ku psaliwa ka Yesu va yendle xan’wanchumu hi ku hantlisa.
XITORIYA 73
Yohani A Chumayela Hi Mesiya
Nkama Yohani a nga kula a ve muprofeta. Yena a a djondzisa vanhu hi ku ta ka Mesiya. Vanhu a va yendla yini loko va twa leswi a a swi djondzisa?
XITORIYA 74
Yesu A Va Mesiya
A a lava ku vula yini Yohani nkama a nga te Yesu i xinyempfani xa Xikwembu?
XITORIYA 75
Sathana A Ringa Yesu
Davulosi a ringe Yesu kanharhu. Hi swini swilo swinharhu leswi Davulosi a nga ringa Yesu hi swona naswona Yesu a yendle yini?
XITORIYA 76
Yesu A Hlongole Vaxavisi Atempeleni
Hi mhaka muni Yesu a tirhise a magoda leswaku a hlongola a swifuyu atempeleni a tlhela a wisetela a mimeza ya vaxavisi?
XITORIYA 77
Yesu Ni Wansati Wa Musamariya
Wansati wa Musamariya a hlamalile nkama lowu Yesu a nga vulavula na yena. Hi mhaka muni? I mpsini leswi Yesu a nga mu byela swaku a a nga se tshama a byela munhu mun’wani?
XITORIYA 78
Yesu A Chumayela Hi Mfumu Wa Xikwembu
Yesu a rhambe vadjondzisiwa van’wani va yena swaku va va “vaphasi va vanhu.” Hi ku famba ka nkama a treyinare 70 wa valandzeli va yena swaku va ya chumayela mahungu ya ku tsakisa.
XITORIYA 79
Yesu A Yendle Swilo Swa Swinyingi Swa Ku Hlamalisa
Hinkwaku lomu Yesu a a ya kona, vanhu lava a va vabya a va mu yela swaku a ya va pfuna a tlhela a va hanyisa. A tlhele a pfuxa ni xin’wanani lexi a xi file.
XITORIYA 80
Yesu A Lange 12 Wa Vapostolo
Yesu a va lange swaku va yendla yini? Wa ma khumbuka mavito ya vona?
XITORIYA 82
Yesu a djondzise ndlela yayinene ya ku khongela
Hi swini swilo leswi Yesu a nga djondzisa vadjondzisiwa va yena swaku va fanele va tama va swi kombela?
XITORIYA 83
Yesu A Phamela Vanhu Va Vanyingi
Leswi Yesu a nga swi yendla swi kombisa yini hi yena na Yehovha?
XITORIYA 84
Yesu A Famba Henhla Ka Mati
Pimisa hi leswi vapostolo va nga titwisa xiswona nkama va nga vona singita leli!
XITORIYA 85
Yesu A Hanyisa Wanuna Wa Ku Fa Matihlo
Hi mhaka muni van’wani a va nga tsaki hi leswi Yesu a a swi yendla?
XITORIYA 86
Yesu A Pfuxa Lazaru
Nkama Yesu a nga vona Mariya na a rila na yena a sungule ku rila. Kambe va game va tsaka.
XITORIYA 87
Paxkwa La Wugamu La Yesu
Yesu a byele swilo swa lisima vapostolo va yena ka paxkwa la yena la wugamu.
XITORIYA 88
Yesu A Khomiwa
Yudasi a famba ni vanhu lava a va ni swipada ka jardim la Getsemani swaku va ya khoma Yesu.
XITORIYA 89
Pedru A Yala Yesu
I mpsini leswi nga yendleka kaya ka Kayafasi? I mpsini leswi nga yendlekela Yesu nkama na a li kaya ka Kayafasi?
XITORIYA 91
Ku Pfuxiwa Ka Yesu
Hi swihi swilo swa ku hlamalisa leswi nga yendleka ndzhaku ka loko Yesu a file?
XITORIYA 93
Yesu A Tlhelela Tilweni
Na a nge se tlhelela tilweni Yesu a byele vadjondzisiwa va yena swilo swa lisima.
XITORIYA 94
Vadjondzisiwa Va Yamukela Moya Wa Ku Kwetsima
Hi lihi singita leli moya wa ku kwetsima wu nga pfuna vadjondzisiwa swaku va li yendla?
XITORIYA 95
Va Chumayele Na Va Nga Chavi Nchumu
Varhangeli va wukhongeli lava va nga dlaya Yesu a va lava ku nyimisa ntirho wa vadjondzisiwa kambe a va swi kotanga.
XITORIYA 97
Korneliyo A Djondza Hi Yehovha
Hi mhaka muni Yehovha a rhumele Pedru a kaya ka Korneliyo lweyi a a li wa va matiko?
XITORIYA 98
Vanhu Va Vanyingi Va Ve Vakreste
Mupostolo Pawulo ni vanhu van’wani lava a a yendza na vona, va sungule ntirho wa ku chumayela ka tindhawu ta le kule swinene.
XITORIYA 99
Gwardu Wa Djele A Djondza Ntiyiso
Swi yendlekisa ku yini swaku dimoni, ku tsekatseka ka misava ni xipada swi va kona ka xitoriya lexi?
XITORIYA 100
Pawulo Na Timotiya
Vavanuna vambirhi lava a va li vanghanu va tirhi xikan’we ku ringana malembe ya manyingi.
XITORIYA 101
Pawulo A Yisiwa aRoma
Pawulo a kumane ni swikarhatu swa swinyingi ka liyendzo la yena kambe a ku nga na nchumu lexi a xi ta mu yendla a godola.
XITORIYA 102
Yohani A Vona Swilo Swa Ku Hlamalisa
Yesu a mu kombe swilo swa swinyingi leswi nga ta yendleka ka nkama lowu taka.
XITORIYA 103
“Misava Yi Ta Va Paradesi”
Nhlawutelo ya Yohani yi kombisa leswi Mfumu wa Xikwembu wu nga ta li txintxisa xiswona wutomi lani misaveni.
