Timbhoni ta Yehovha ti na ndlela leyi ti yi tirhisaka leswaku ti ku pfuna u dyondza leswi Bibele yi swi dyondzisaka. Nongonoko wa dyondzo ya hina ya Bibele wu ta ku pfuna leswaku:

•   U va ni ntsako evuton’wini

•   U va munghana wa Xikwembu

•   U dyondza hileswi Bibele yi swi dyondzisaka hi vumundzuku

Eka tluka leri

•  Ku endleka yini eka dyondzo ya Bibele?

•  Xana ndzi fanele ndzi hakela leswaku ndzi dyondza?

•  Dyondzo yi heta nkarhi wo tanihi kwihi?

•  Ndzi sungurisa ku yini?

•  Xana ndzi nga ringeta ku sungula hi ku dyondza dyondzo yin’we ntsena?

•  Loko ndzo amukela dyondzo ya Bibele, xana mudyondzisi wa mina u ta ndzi sindzisa leswaku ndzi va un’wana wa Timbhoni ta Yehovha?

•  Xana ndzi nga yi tirhisa Bibele ya mina?

•  Xana ndzi nga rhamba van’wana leswaku va ta va na mina loko hi dyondza?

•  Ku vuriwa yini loko ndzi tshame ndzi dyondza na Timbhoni ta Yehovha Bibele enkarhini lowu nga hundza? Xana ndzi nga tlhela ndzi dyondza?

•  Xana mi na tona tindlela tin’wana to dyondza Bibele handle ko va ni mudyondzisi?

 Mudyondzisi wa wena u ta ku pfuna leswaku u tiva Bibele ku antswa eka nhlokomhaka yin’wana ni yin’wana leyi mi nga ta dyondza hi yona. Hi ku tirhisa buku ya mudyondzi na mudyondzisi leyi ku dyondziwaka hi yona leyi nge Tiphine Hi Vutomi Hilaha Ku Nga Heriki! hakatsongotsongo u ta dyondza leswi Bibele yi swi vulaka ni ndlela leyi swi nga ku pfunaka hayona. Leswaku u dyondza swo tala hi mhaka leyi, hlalela vhidiyo leyi.

 Nikatsongo. Timbhoni ta Yehovha ti landzelela nkongomiso lowu Yesu a wu nyikeke vadyondzisiwa vakwe lowu nge: “Mi nyikiwe mahala, nyikani mahala.” (Matewu 10:8) Ku engetela kwalaho, a wu nge humesi mali yo hakelela leswi nga ta tirhisiwa eka dyondzo leyi, leswi katsaka Bibele ni nkandziyiso lowu nge Tiphine Hi Vutomi Hilaha Ku Nga Heriki!

 Tidyondzo hinkwato leti nga eka dyondzo leyi ya Bibele, loko ti helerile hinkwato i 60. Swi le ka wena leswaku u lava ku dyondzisa ku yini kambe swichudeni swo tala swi hlawula ku heta dyondzo yin’we kumbe to tala hi vhiki.

1.  1. Tata fomo eka Inthanete. Hi ta tirhisa vuxokoxoko lebyi u byi rhumeleke leswaku hi endla leswi u swi kombeleke, hi ku rhumela un’wana wa Timbhoni ta Yehovha leswaku a ti hlanganisa na wena.

2.  2. Mudyondzisi wa wena u ta tihlanganisa na wena. Mudyondzisi wa wena u ta ku hlamusela leswi u faneleke u swi langutela eka dyondzo ya wena ya Bibele naswona u ta hlamula xivutiso xin’wana ni xin’wana lexi u nga ha vaka na xona.

3.  3. Wena ni mudyondzisi wa wena mi ta twana leswaku mi ta hlanganisa ku yini. Mi nga ha dyondza hi ku kongoma, hi riqingho, mi fonelana hi ku tirhisa vhidiyo, hi mapapila kumbe imeyili. Hakanyingi dyondzo ha yin’we yi teka kwalomu ka awara kambe yi nga va ehansi ka yona kumbe yi leha, swi ta ya hileswaku u hlele njhani.

 Ina. Leswaku u endla tano, tata fomo leyi nga eka Inthanete. Loko mudyondzisi a ti hlanganisa na wena, n’wi byele leswaku u navela ku ringeta ku dyondza leswaku u vona loko u ta swi tsakela ku ya emahlweni u dyondza. Loyi u nga ta dyondza na yena, u ta tirhisa broxara leyi nge Tiphine Hi Vutomi Hilaha Ku Nga Heriki! leyi nga ni tidyondzo tinharhu ta ku sungula ku dyondza Bibele leti nga ku pfunaka ku vona loko u ta swi tsakela ku dyondza.

 Doo! Timbhoni ta Yehovha ta swi rhandza ku dyondzisa vanhu hi Bibele kambe a hi sindzisi munhu leswaku a joyina vukhongeri bya hina. Ku ri na sweswo, hi xichavo hi komba munhu leswi Bibele yi swi vulaka hi ri karhi hi tsundzuka leswaku un’wana ni un’wana u ni mfanelo yo tihlawulela leswi a nga ta pfumela eka swona.—1 Petro 3:15.

 Ina, u nga tirhisa vuhundzuluxeri bya Bibele yin’wana ni yin’wana leyi u yi tsakelaka. Hambileswi hi tiphinaka hi ku tirhisa Bibele leyi twisisekaka hi ku olova ni leyi tshembekaka ku nga Bibele Ya Matsalwa Yo Kwetsima Ya Misava Leyintshwa, ha swi tiva leswaku vanhu vo tala va tsakela ku tirhisa vuhundzuluxeri bya ti Bibele leti va ti toloveleke.

 Ina. U nga ha katsa ndyangu wa ka n’wina hinkwawo kumbe vanghana va wena.

 Ina. Ku vula ntiyiso, u nga tiphina hi dyondzo ya hina ya sweswi ku tlula eku sunguleni hikuva yi antswisiwile leswaku yi kota ku fikelela swilaveko swa vanhu hinkwavo. Yi talele hi tivhidiyo na swifaniso naswona eka yona ma burisana swinene ku tlula ndlela leyi a ku dyondziwa hayona khale.

 Ina. Hambileswi swichudeni swo tala swi dyondzaka swo tala loko swi pfuniwa hi mudyondzisi kambe swin’wana swi tsakela ku tidyondzela swi ri swoxe loko swa ha sungula. Tluka ra hina ra switirhisiwa swa ku pfuneta ku dyondza Bibele ri ni nxaxamelo wa switirhisiwa swa mahala leswi nga ku pfunaka eka dyondzo ya wena ya Bibele. Hi leswi switirhisiwa swin’wana leswi nga ku pfunaka:

•   Tivhidiyo Ta Le Bibeleni. Tivhidiyo leti to koma ti hlamusela tidyondzo ta nkoka leti humaka eBibeleni.

•   Swivutiso Leswi Hlamuriwaka Hi Bibele. Tinhlokomhaka leti, ti na tinhlamulo ta swivutiso swo hambanahambana leswi hlamuriwaka hi Bibele.

•   Tinhlamuselo Ta Tivhese Ta Bibele. Kuma mongo wa tivhese ta Bibele leti u ti toloveleke.