XIPHEMU 7
A Ku Ri Mani Yesu?
Yehovha u rhumele Yesu emisaveni. 1 Yohane 4:9
Loko hi lava ku tsakisa Yehovha, ku ni munhu un’wana wa nkoka loyi hi faneleke hi n’wi yingisa. Loko Yehovha a nga si vumba Adamu, u sungule hi ku vumba xivumbiwa xa matimba xa moya ematilweni.
Hi ku famba ka nkarhi, Yehovha u endle leswaku xivumbiwa lexi xi velekiwa eBetlehema hi wanhwana la vitaniwaka Mariya. N’wana yoloye u thyiwe vito leri nge Yesu.—Yohane 6:38.
Loko Yesu a ri laha misaveni u kombise timfanelo ta Xikwembu hi ndlela leyi hetisekeke. A a ri ni musa, rirhandzu naswona a a ngheneka. Handle ko chava, u dyondzise vanhu ntiyiso hi Yehovha.
Yesu a a endla leswinene kambe a a vengiwa. 1 Petro 2:21-24
Yesu u tlhele a hanyisa vanhu lava vabyaka ni ku pfuxa vanhu van’wana lava a va file.
Varhangeri va vukhongeri a va venga Yesu hikwalaho ka leswi a paluxeke tidyondzo ta vona ta mavunwa ni tindlela ta vona to biha.
Varhangeri va vukhongeri va kucetele Varhoma leswaku va ba Yesu va tlhela va n’wi dlaya.
U Nga Ha Tsakela
BIBELE—YI TAMELE RUNGULA RIHI?
Ku Ta Ka Mesiya
Yehovha u ti tirhise njhani tintsumi na Yohane lowo Khuvula ku kombisa leswaku Yesu i Mesiya? Yehovha u swi kombise njhani erivaleni leswaku N’wana wakwe i Mesiya?
BIBELE—YI TAMELE RUNGULA RIHI?
Yesu U Dyondzise Hi Ta Mfumo Wa Xikwembu
A ku ri yihi nhloko-mhaka leyi Yesu a a chumayela ha yona? U swi kombise njhani leswaku vuhosi byakwe a byi ta sekeriwa eka rirhandzu ni vululami?
