Wa Rhambiwa Eka
Xitsundzuxo Xa Rifu Ra Yesu
Mugqivela, April 12, 2025
Wa rhambiwa eka tinhlengeletano timbirhi ta mahala
Mbulavulo Wo Hlawuleka Wa Bibele
“Xana U Nga Wu Kuma Ntiyiso?”
Dyondza leswi Yesu a swi vuleke hi ntiyiso ni laha wu kumekaka kona.
Xitsundzuxo Xa Rifu Ra Yesu
Eka nhlengeletano leyi ya nkoka, Timbhoni ta Yehovha ti tsundzuka rifu ra Yesu hilaha a leriseke hakona.—Luka 22:19.
Swivutiso Leswi Tshamelaka Ku Vutisiwa
I vamani lava nga taka?
Un’wana ni un’wana u amukelekile, tana ni ndyangu wa wena.
Xana tinhlengeletano leti ti teka nkarhi wo tanihi kwihi?
Mbulavulo wo hlawuleka wa Bibele wu teka hafu ya awara. Wu ta landzeriwa hi bulo leri katsaka vayingiseri leri humaka eBibeleni leri tekaka awara.
Xitsundzuxo xi ta teka kwalomu ka awara.
Xana tinhlengeletano leti ti ta khomeriwa kwihi?
Leswaku u kuma ndhawu, tlilika xiyenge lexi nga laha henhla lexi nge, “Kuma Xitsundzuxo” kumbe “Kuma Mbulavulo Wo Hlawuleka.”
Xana ku ni mali leyi hakeriwaka kumbe ndzi boheka ku tlhela ndzi ta?
Doo!
Xana ku ta fambisiwa xindhichana xa munyikelo?
Doo! Timbhoni ta Yehovha a ti fambisi xindhichana etinhlengeletanweni ta tona.—Matewu 10:8.
Xana ku ni mpahla yo karhi leyi ambariwaka?
Doo! Hambiswiritano, Timbhoni ta Yehovha ti ambala hi ndlela leyi xiximekaka.
Xana ku ta endleka yini eXitsundzuxweni?
Loko nhlengeletano yi sungula, ku yimbeleriwa risimu ku tlhela ku pfariwa hi rona kutani ku landzela xikhongelo. Xiyenge xa nkoka eXitsundzuxweni i xa mbulavulo lowu hi tsundzuxaka nkoka wa rifu ra Yesu ni ndlela leyi hi nga vuyeriwaka hayona hileswi Xikwembu na Kreste va hi endleleke swona.
Ku kuma swo tala, vona nhlokomhaka leyi nge, “Hikwalaho Ka Yini Timbhoni Ta Yehovha Ti Nga Endli Xilalelo Xa Hosi Ku Fana Ni Tikereke Tin’wana?”
Switsundzuxo swa nkarhi lowu taka swi ta khomiwa rini?
2025: Mugqivela, April 12
2026: Ravumune, April 2
2027: Musumbhunuku, March 22
Leswaku u dyondza leswi engetelekeke, hlalela tivhidiyo leti landzelaka.
Vona leswi nga ta endleka eXitsundzuxweni, kutani u twa hi switshembiso swo tsakisa leswi rifu ra Yesu ri nga ta hi tisela swona.
Hikwalaho Ka Yini Yesu A File?
U nga va u swi twile leswaku u fele swidyoho swa hina. Xana hakunene rifu ra munhu un’we ri nga vuyerisa vanhu va timiliyoni?
Ku Endliwa Yini eHolweni Ya Mfumo?
Tana u ta tivonela hi ya wena.
Dawuniloda nkandziyiso lowu printekaka wa xirhambo lexi.