Yesu wa swi tiva leswaku swi njhani ku xaniseka hikwalaho ka ku pfumaleka ka vululami ni hikwalaho ka vugevenga. U lumbetiwile, a biwa hi ndlela ya tihanyi, a ringiwa, a khotsiwa ni ku tlhela a dlayiwa hi ndlela yo vava. Hambileswi a nga ri na nandzu, hi ku swi rhandza u nyikele hi “vutomi byakwe leswaku byi va nkutsulo wa lavo tala.” (Matewu 20:28; Yohane 15:13) Leswi sweswi a nga Hosi ya Mfumo wa Xikwembu, ku nga ri khale u ta endla leswaku ku va ni vululami emisaveni hinkwayo hi ku byi herisela makumu vugevenga.—Esaya 42:3.

 Bibele yi hlamusela leswi misava yi nga ta va xiswona loko Yesu se a teke goza:

•   ‘Lavo homboloka va ta herisiwa; u ta languta laha a va ri kona, kambe va ta va va nga ha ri kona. Kambe lavo rhula va ta tshama emisaveni, va ta tsaka swinene hikuva ku ta va ni ku rhula lokukulu.’—Pisalema 37:10, 11.

 Hi nga swi kombisa njhani leswaku ha swi tlangela leswi Yesu a hi endleleke swona ni leswi a nga ta hi endlela swona? Eka marito lama nga eka Luka 22:19, Yesu u byele valandzeri vakwe leswaku va tsundzuka rifu ra yena. Hi yona mhaka lembe ni lembe, hi siku ra ku tsundzukiwa ka rifu rakwe, Timbhoni ta Yehovha ti hlengeletana swin’we. Ha ku rhamba leswaku u ta va na hina eka Xitsundzuxo xa Rifu ra Yesu, lexi nga ta va hi Sonto, March 24, 2024.

Kuma Xitsundzuxo