JANI MASU!
Andali Atcheŵeska Kuti Aramagedoni Yepafupi Kwamba—Kumbi Bayibolu Likambanji?
Mulenji wa pa 10 October 2022 po penga pa Mandi, asilikali a ku Russia anguphulisa mabomba mumatawuni nganandi ku Ukraine chifukwa akhumbanga kuweze vo asilikali a ku Ukraine anguchita mazuŵa ngaŵi kuvuli. Yiwu anguphulisa buliji lakukhumbika ukongwa lo lalumikizanga charu cha Crimea ndi Russia. Venivi vinguchitika pati pajumpha kanyengu kamanavi kutuliya po andali anyaki angutcheŵeske kuti Aramagedoni yepafupi kwamba.
“Sonu te pafupi ukongwa ndi Aramagedoni kuluska mo venge pa nyengu yo [John F.] Kennedy wenga pulezidenti ku America, pa nyengu yo anguphulisa mabomba mucharu cha Cuba. . . . Ndiwona kuti vingachitika cha kugwiriskiya ntchitu mabomba nga nyukiliya kwambula kwambisa nkhondu ya Aramagedoni.”—Pulezidenti wa ku America Joe Biden, 6 October 2022.
“Nani ndikoliyana navu kuti pambula kuswera yapa Aramagedoni yiyambengi, ndipu viŵengi vakofya ukongwa pacharu chosi.”—Venivi ndivu wangukamba pulezidenti wa ku Ukraine Volodymyr Zelensky wati wafumbika vakukwaskana ndi kugwiriskiya ntchitu mabomba nga nyukiliya, Nkhani za pa BBC, 8 October 2022.
Kumbi kugwiriskiya ntchitu mabomba nga nyukiliya kungayambisa nkhondu ya Aramagedoni? Kumbi Bayibolu likambanji?
Kumbi mabomba nga nyukiliya ngangayambisa nkhondu ya Aramagedoni?
Awa. Mazu ngakuti “Aramagedoni” ngasanirika kamoza pe mu Bayibolu pa Chivumbuzi 16:16. Mazu yanga ngakamba za nkhondu ya pakati pa vyaru cha, kweni ndi nkhondu ya pakati paku Chiuta ndi “mafumu nga pacharu chosi chapasi.” (Chivumbuzi 16:14) Chiuta wazamugwiriskiya ntchitu nkhondu ya Aramagedoni kuti wamalisi maulamuliru nga ŵanthu.—Daniyeli 2:44.
Kuti muziŵi vinandi vakukwaskana ndi mo nkhondu ya Aramagedoni yazamukwaskiya charu, ŵerengani nkhani ya mutu wakuti Kumbi Nkhondu ya Aramagedoni ndi Nkhondu Wuli?
Kumbi charu ndi vinthu vosi vo ve mwenimo vazamunangika ndi nkhondu ya nyukiliya?
Awa. Chinanga kuti kunthazi ŵanthu angazigwiriskiya ntchitu mabomba nga nyukiliya, Chiuta wazamuzomereza cha kuti charu chinangiki. Bayibolu likamba kuti:
“Charu chijengi mpaka muyaya.”—Wakutawula 1:4.
“Ŵanthu arunji azamulonde charu chapasi, ndipu azamuja mwenimo kwamuyaya.”—Masalimo 37:29.
Kweni mauchimi nga mu Bayibolu ndipuso vinthu vo vichitika pasonu panu, vilongo kuti pambula kuswera yapa vinthu visinthengi pacharu. (Mateyu 24:3-7; 2 Timote 3:1-5) Wonani vo Bayibolu likamba vakukwaskana ndi vinthu vo vichitikengi kunthazi mwakugwiriskiya ntchitu kosi yidu yawezi yakusambiriya Bayibolu.
Mungayanja Kuŵerenga so Nkhani Izi
MAFUMBU NGO BAYIBOLU LIMUKA
Kumbi Charu Chimalengi?
Bayibolu likonkhoska mwakuvwika umampha vo Chiuta wakhumba kuchitiya charu chapasi.
ESSENTIAL BIBLE TEACHINGS
Ntchifukwa Wuli Chiuta Wakulenga Charu Chapasi?
Charu chapasi che ndi vinthu vinandi vakutowa ukongwa. Chiuta wakuchiŵika pa mtunda wakwenere kutuliya po pe lumwi, ndipu wakuchipanga kuti chizunguliyengi mwakuyegama kweniso kuti chizunguliyengi pa sipidi yamampha. Ntchifukwa wuli Chiuta wanguŵikiyapu mtima kulenga charu chakutowa viyo?
MAFUMBU NGO BAYIBOLU LIMUKA
Kumbi ndi Vinthu Wuli vo Vilongo Kuti Tija mu “Mazuŵa Ngakumaliya” Pamwenga ‘Nyengu za Umaliru’?
Bayibolu likukambiya limu kuti kwazamuchitika vinthu vinandi mu nyengu yimoza vo vazamuja “chisimikizu” cha mazuŵa ngakumaliya.
Charu cha Russia Chayukiya Charu cha Ukraine—Kumbi venivi vifiska uchimi wa mu Bayibolu?
Wonani mo masuzgu ngenanga ngazamumaliya
CHIGONGWI CHA MLINDA
Kumbi Ŵanthu Azamutaskika pa Nkhondu ya Aramagedoni?
Ŵanthu achita mantha asani ŵavwa mazu ngakuti Aramagedoni. Kweni kumbi Aramagedoni ntchinthu wuli?
VAKUKWASKANA NDI ISI
Pemphani Kuti Musambirengi Bayibolu
Kambiskanani fumbu la mu Bayibolu pamwenga ziŵani vinandi vakukwaskana ndi Akaboni aku Yehova.
