Vakuwoniyapu va mu Bayibolu vo vingakuwovyani:

• 1 Mafu. 19:​1-18—Pa nyengu yo watombozgekanga, mchimi Eliya wangukambiya Yehova vosi vo venga mu mtima waki ndipu Yehova wangumuchiska kweniso kumupembuzga

• Machi. 7:​9-15—Yosefi wangutombozgeka ndi aku ŵaki kweni Yehova wangulutirizga kuja wakugomezgeka kwaku iyu, wangumutaska kweniso wangumugwiriskiya ntchitu kuti wataski ŵanthu a mubanja laki

Vakuwoniyapu va mu Bayibolu vo vingakuwovyani:

• 2 Mafu. 18:​17-35—Rabishaki yo walongoronga mumalu mwa fumu wangunyoza Yehova kweniso ŵanthu a ku Yerusalemu

• Luka 22:​63-65; 23:​35-37—Ŵanthu wo anguko Yesu angumuchitiya chipongu kweniso kumupuma pa nyengu yo angumumanga kweniso po angumupayika pachimiti chakutombozgekiyapu

Vakuwoniyapu va mu Bayibolu vo vingakuwovyani:

• Machi. 7:57–8:1—Pa nyengu yo wakusambira Stefano wenga pafupi kufwa chifukwa chakuti chigulu cha ŵanthu chingumuyukiya, wangupempha Chiuta kuti waŵalongo lisungu ŵanthu wo amutombozganga, kusazgapu Saulo wa ku Tariso

• Machi. 16:​22-34—Chinanga kuti wakutumika Paulo wangupumika kweniso kumangika mumatangaza, wachitanga vinthu mwaulemu ndi msilikali yo wamuwoneriyanga ndipu venivi vinguwovya kuti msilikali yo ndi wosi a munyumba yaki asinthi ndi kuja Akhristu

Vakuwoniyapu va mu Bayibolu vo vingakuwovyani:

• 2 Mbiri 32:​1-22—Yati yawofyezeka ndi asilikali anthazi a Fumu Senakeribu, Fumu Hezekiya yinguthemba ukongwa Yehova ndipu yinguchiska ŵanthu wosi. Pavuli paki, Yehova wanguyitumbika ukongwa

• Ahe. 12:​1-3—Ŵanthu wo atombozganga Yesu akhumbanga kumuchitiska soni, kweni iyu wanguchita soni cha pamwenga kugongowa munthowa yeyosi

Vakuwoniyapu va mu Bayibolu vo vingakuwovyani:

• Yobu 1:​6-22; 2:​1-10—Chinanga kuti waziŵanga cha kuti Satana ndiyu wanguchitiska masuzgu ngakulu ngo wangukumana nangu, Yobu wangukana kugarukiya Chiuta ndipu venivi vinguchitiska kuti Chiuta watumbikiki ndi kulongo kuti Satana ngwaboza

• Dani. 1:​6, 7; 3:​8-30—Hananiya, Mishayele, ndi Azariya (Shadireki, Misheki ndi Abedinego) anguzomera kufwa nyifwa yakofya ukongwa, anguzomerezga kuti afwi waka kuluska kuleka kuvwiya Yehova ndipu venivi vinguchitiska Fumu Nebukadinezara kuti yifiki pakuzomereza kuti Yehova ndi Chiuta wapachanya limu

Vakuwoniyapu va mu Bayibolu vo vingakuwovyani:

• Machi. 11:​19-21—Akhristu wo angumbininika chifukwa chakutombozgeka angulutirizga kupharazga uthenga wamampha ku vigaŵa vakutali ukongwa

• Afi. 1:​12, 13—Wakutumika Paulo wangukondwa wati waziŵa kuti kumangika kwaki kwawovya ŵanthu anyaki kuti avwi uthenga wamampha

Vakuwoniyapu va mu Bayibolu vo vingakuwovyani:

• Machi. 19:​24-29—Ŵanthu a ku Efeso wo apanganga vikozgu vaku chiuta Atemi awonanga kuti uthenga wo Akhristu apharazganga utimbanyizgengi bizinesi yawu. Mwaviyo, angwamba kuŵatombozga ukongwa

• Aga. 1:​13, 14—Wechendaje Mkhristu, Paulo (Saulo) wanguwutombozga ukongwa mpingu wachikhristu chifukwa chakuti wagomezganga ukongwa midawuku ya Chiyuda