Ko e hā te ke leaʻakí?

• ʻIo

• ʻIkai

• Mahalo pē

Meʻa ʻoku leaʻaki ʻe he Tohi Tapú

“Lī atu ʻa e kotoa hoʻomou loto-moʻuá kiate ia [ʻOtuá], koeʻuhí he ʻokú ne tokanga mai kiate kimoutolu.” (1 Pita 5:7) ʻOku fakapapauʻi mai ʻe he Tohi Tapú ʻe lava ke tokoniʻi koe ʻe he ʻOtuá ke ke maʻu ʻa e fiemālie mei hoʻo ngaahi loto-moʻuá.

Ko e hā te tau toe ako mei he Tohi Tapú?

• ʻI he lotú, ʻe lava ke ke maʻu ai ʻa e “nonga ʻa e ʻOtuá,” ʻa ia ʻokú ne fakasiʻisiʻi ʻa e loto-moʻuá.​—Filipai 4:6, 7.

• ʻIkai ko ia pē, ko hono lau ʻa e Folofola ʻa e ʻOtuá ʻe lava ke ne tokoniʻi koe ke ke fekuki mo e loto-mafasiá.​—Mātiu 11:28-30.

ʻOku tui ʻa e kakai ʻe niʻihi . . . ko e loto-moʻuá mo e loto-mafasiá ko e konga ia ʻo e tuʻunga ʻoku ʻi ai ʻa e faʻahinga ʻo e tangatá, lolotonga ia ʻoku tui ʻa e niʻihi ʻe toki fakanonga pē ʻa e loto-moʻuá ʻi he moʻui ʻi he hili ʻa e maté. Ko e hā hoʻo fakakaukaú?

Meʻa ʻoku leaʻaki ʻe he Tohi Tapú

ʻE toʻo atu ʻe he ʻOtuá ʻa e ngaahi tupuʻanga ʻo e loto-moʻuá. “ʻE ʻikai ke toe ʻi ai ha mate, pe ha mamahi pe ha tangi pe ha langa.”​—Fakahā 21:4.

Ko e hā te tau toe ako mei he Tohi Tapú?

• ʻI he malumalu ʻo e Puleʻanga ʻo e ʻOtuá, ʻe moʻui ai ʻa e kakaí ʻi he melino mo e nonga.​—ʻAisea 32:18.

• ʻE ngalo ʻa e loto-moʻua mo e loto-mafasia tōtuʻá.​—ʻAisea 65:17.