Ngeren u Hiin Vegher u sha 10
Yehova ngu Tor sha ior cii. Kuran se, shi una za hemen u kuran se hanma shighe cii. U tesen ikyav yô, yange due a Yeremia shin ijôr i yange ma kpe shimi yô. Shi kura Saderaki, Meshaki, man Abedi-nego ken atse a usu lu yeghen ker gan gan la, kwagh môm er ve ga. Shi cir ubegha ijô, ve fatyô u eren Daniel kwagh ga. Yehova shi yange kura Eseter, nahan Eseter fatyô u yiman ityô na cii. Shi una de ér iferkwagh i za hemen gbem ga. Kwaghôron u profeti u sha kwagh u eev mbu zegenan man zegekon la tese wang ér ica ia gba ga tsô Tartor u Yehova ua va hemen tar, nahan ua kar a hanma iferkwagh sha tar kera.
KEN VEGHER NE
Yehova Tindi Yeremia Ér A Za Pase Kwagh
Akaa a profeti u lu gumor ne ôr la yange na yô, ishima vihi mbatamen vev a na kpishi.
I Tim Yerusalem
Yange Mbayuda zer civir mbaaôndo mbaaiev gbem, nahan Yehova undu ve.
Mbayevnomso Unyiin Mba Ve Ungwa Imo i Yehova Yô
Mbayevnomso mba ve lu Mbayuda yô yange ve kange ishima ér vea za hemen u civir Yehova sha mimi, shin er ve lu hen ya u tor ken Babilon nahan je kpaa.
Tartor u Lun Gbem sha Won
Daniel yange pase inja i mnyam ma Nebukadinesar ma ma taver u fan yum la.
Ve Gure Inya Ga
Saderaki, Meshaki, man Abedi-nego yange ve venda u guren civir eev mbu tor u Babilon er sha zenaria la.
Tartor u Lun Er Zegekon
Mnyam ma Nebukadinesar yange ma tsengaôron kwagh u una va er un ken hemen yô.
Kwaghngeren Due sha Kpekpe
Lu hanma shighe kwaghngeren u i fa inja na ga ne due sha kpekpe, man inja na ér nyi?
I Kende Daniel Shin Ihyungwa i Ubegha
Eren msen hen Yehova hanma iyange er Daniel eren nahan!
Eseter Yima Ior Nav
Shin er Eseter lu kwase u van a va ken tar la shi lu ancôghol nahan kpa, yange va hingir torkwase.
Esera Tese Ior Atindi a Aôndo
Yange Mbaiserael mba ungwan kwagh u Esera ôr a ve la yô, ve er ityendezwa a Aôndo.
Ukpekpe mba Gilgar u Yerusalem
Nehemia yange ungwa ér mbaihyomov nav er mhen u va tan num sha a na. Ka nyi yange i na ve cier un iyol ga?
