PERGUNTA 2
Oinsá mak ita bele aprende kona-ba Maromak?
“Livru Ukun-Fuan nian neʼe tenke nafatin iha ó-nia ibun, no ó tenke lee no medita loron no kalan, atu nuneʼe ó bele halo tuir ho didiʼak liafuan hotu neʼebé hakerek iha laran; hodi halo nuneʼe mak ó sei hetan susesu iha ó-nia dalan sira no ó sei hatudu hahalok neʼebé matenek.”
“Sira kontinua lee ho lian makaʼas liafuan husi livru neʼe, husi Maromak loos nia Ukun-Fuan, hodi esplika informasaun neʼe ho didiʼak no esplika liafuan sira-neʼe katak sá; nuneʼe sira ajuda povu neʼe atu komprende buat neʼebé lee ona ba sira.”
“Ksolok ba ema neʼebé la halo tuir ema aat nia konsellu . . . Maibé nia gosta tebes Jeová nia ukun-fuan. Nia lee no medita Ninia ukun-fuan loron no kalan. . . . Nia sei hetan susesu iha buat hotu neʼebé nia halo.”
“Filipe halai iha kuda-karreta nia sorin no rona nia lee profeta Isaias nia livru ho lian makaʼas, no Filipe husu ba nia: ‘Señór komprende buat neʼebé Ita lee ka lae?’ Nia dehan: ‘Oinsá mak haʼu bele komprende se la iha ema ida mak esplika mai haʼu?’”
“Maski ema labele haree Maromak ho matan, maibé sira bele haree ninia hahalok sira ho klaru hahú husi tempu neʼebé nia kria mundu. Kuandu ema hanoin kona-ba buat neʼebé nia kria, sira bele haree ninia kbiit neʼebé iha ba nafatin no ninia pozisaun nuʼudar Maromak. Tan neʼe, sira la iha razaun atu la fiar Maromak.”
“Hanoin kleʼan kona-ba buat sira-neʼe, no fó ó-nia an tomak ba buat sira-neʼe, atu nuneʼe ema hotu bele haree ho momoos oinsá ó laʼo ba oin.”
“Mai ita hanoin malu hodi fó laran-manas ba malu atu hatudu domin no hahalok diʼak, no . . . keta haluha atu halibur hamutuk.”
“Se imi ida presiza matenek, nia tenke husu beibeik ba Maromak, no Maromak sei fó matenek ba nia, tanba Maromak fó ba ema hotu ho laran-luak no la hamoe sira.”
