Selelekela sa Karolo ya 2
Ke hobaneng ha Jehova a ile a fedisa batho ka morwallo? Satane o ile a fetohela Jehova mme a susumelletsa batho ho etsa dintho tse fosahetseng. Batho ba bang ba kang Adama, Eva le mora wa bona Kaine ba ile ba kgetha ho etsa se fosahetseng. Ba mmalwa ba kang Abele le Noe ba ile ba kgetha ho etsa se nepahetseng. Batho ba bangata ba ne ba etsa dintho tse mpe hoo Jehova a ileng a kgetha ho ba fedisa. Karolong ena re tlo ithuta hore Jehova o bona dintho tseo re di etsang le hore o tla fedisa batho ba etsang dintho tse mpe.
KAROLONG ENA
THUTO YA 3
Adama le Eva ha ba a ka ba Mamela Modimo
Keng e neng e ikgetha ka sefate se neng se le bohareng ba serapa sa Edene? Ke hobaneng ha Eva a ile a ja tholwana ya sefate seo?
THUTO YA 4
O Ile a Bolaya Ngwanabo ka Lebaka la ho Kwata
Modimo o ile a amohela sehlabelo sa Abele empa a se ke a amohela sa Kaine. Kaine o ile a kwata ha a bona hore Modimo o amohela sehlabelo sa Abele mme a etsa ntho e mpe.
THUTO YA 5
Areka ya Noe
Mangeloi a sa mameleng Modimo a ile a nyala basadi lefatsheng mme a ba le bana ba dinatla. Ho ne ho tletse ntwa lefatsheng empa Noe yena o ne a lokile a bile a mamela Modimo.
THUTO YA 6
Batho ba Robedi ba Pholoha Morwallo
Pula e ile ya na bosiu le motshehare ka matsatsi a 40. Noe le ba lelapa la hae ba qetile nako e fetang selemo ba le ka arekeng. Qetellong, Modimo a re ba tswe ka arekeng.
