Sehopotso sa Lefu la Jesu
Mantaha wa la 22 March 2027
Hang ka selemo, Dipaki Tsa Jehova di ikgopotsa lefu la Jesu jwalo ka ha a ile a laela ha a ne a re: “Le nne le etse tjena ho nkgopola.”—Luka 22:19.
Re mema wena le ba lelapa la hao hore le be teng ketsahalong ena.
Dipotso Tse Botswang Hangata
Ke bomang ba ka tlang?
Batho bohle ba amohelehile. O ka mema metswalle ya hao ha mmoho le ba lelapa.
Lenaneo le tla nka nako e kae?
Le tla nka hora kapa ka tlase ho moo.
Sehopotso se tla tshwarelwa hokae?
Bua le Dipaki Tsa Jehova ho fumana sebaka se haufi le wena.
Na o lokela ho itlama kapa ho patala ha o kena?
Tjhe.
Na ho tlo ntshwa koleke?
Tjhe. Ha ho mohla re nkang koleke dibakeng tsa rona tsa borapedi.—Matheu 10:8.
Ho aparwa jwang?
Dipaki Tsa Jehova ha di na mokgwa o kgethehileng wa ho apara empa di apara ka tsela e hlomphehang ketsahalong ena ya bohlokwa.
Ho etsahalang Sehopotsong?
Sehopotso se tla qalwa le ho kwalwa ka pina le thapelo. Puo e tla fanwa e tla bua ka bohlokwa ba lefu la Jesu le ka moo re ka ruang molemo ka teng ho seo Modimo le Jesu ba re etseditseng sona.
Ho fumana dintlha tse ding, bala sehlooho se reng: “Ke Hobaneng ha Dipaki Tsa Jehova di sa Keteke Dijo Tsa Shwalane Tsa Morena ka Tsela eo Madumedi a Mang a Etsang ka Yona?”
Sehopotso sa dilemo tse latelang se tla ba neng?
2027: Mantaha wa la 22 March
2028: Sontaha sa la 9 April
2029: Labone la la 29 March
O ka Nna wa Rata le Tsena
SEHOPOTSO
Ikgopotse Lefu la Jesu
Dipaki Tsa Jehova di o mema ka mofuthu hore o tlo ba le tsona ketsahalong ena ya bohlokwa. O tla ithuta hore na bophelo ba Jesu le lefu la hae di ka o tswela molemo jwang.
ESSENTIAL BIBLE TEACHINGS
Ke Hobaneng ha Jesu a ile a Shwa?
Bibele e bontsha hore lefu la Jesu ke la bohlokwa haholo. Na lefu la hae le ne le e na le morero?
MABAPI LE RONA
E ya dibokeng
Ithute ka diboka tsa rona. Fumana moo diboka di tshwarelwang teng haufi le moo o dulang.