Ukile yini waba nebumatima bekukhumbula livesi lakho lolitsandzako? Kungaba livesi lelikudvudvutako, lelikusita kutsi ulwe nemicabango lemibi nobe lofuna kulicocela lomunye umuntfu. (Hla. 119:11, 111) Naku lokunye lokungakusita kutsi ukhumbule imibhalo.

• Sebentisa i-JW Library. Nangabe ufundza liBhayibheli ku-JW Library futsi ufundza umBhalo lofuna kuwukhumbula, ungasebentisa i-tag kuze uwutfole kamelula esikhatsini lesitako.

• Bhala lombhalo lapho ungawubona khona. Libhale ephepheni lelivesi lofuna kulikhumbula futsi ulibeke lapho utawuhlale ulibona khona. Labanye balibeka esibukweni; labanye balibeke efrijini. Kantsi labanye bayalishutha lelivesi futsi bente kutsi livele nabavula nje i-computer nobe lucingo lwabo.

• Yakha emakhadi lamancane futsi ubhale kuwo lamavesi. Bhala umbhalo kulolunye luhlangotsi, ubhale kutsi utsini kulolunye. Buka lawubhale khona lombhalo bese wetama kukhumbula emavi awo, nobe ubuke lamavi awo bese wetama kukhumbula kutsi ngumbhalo wabani.