Bun mati o prisiri nanga yu te sani e go bun èn den o yepi yu te yu de na nowtu. Ma Bijbel e sori wi taki a no ala sma na bun mati. Fa yu kan feni bun mati? Den aksi di wi o luku now kan yepi yu.

1. Fu san ede yu musu luku bun suma yu e teki leki mati?

Te wi e moksi furu nanga sma, awinsi na tapu Internet, dan nofo tron wi e kon de leki den. Bijbel e taki: „Te wan sma e waka nanga koniwan, dan ensrefi o kon koni, ma te wan sma e waka nanga don sma [sma di no lobi Yehovah], dan sani no o waka bun gi en” (Odo 13:20). Te yu abi mati di lobi Yehovah èn di e anbegi en, dan den kan yepi yu fu tan wan mati fu en èn fu teki bun bosroiti. Ma te wi abi mati di no e dini Yehovah, dan den kan meki taki wi srefi gowe libi Yehovah. Dati meki Bijbel e taigi wi fu luku bun suma wi e teki leki mati! Efu den mati fu wi lobi Gado, dan den o man yepi wi èn wi o man yepi den. Wi o man „tan gi makandra deki-ati”.​—1 Tesalonikasma 5:11.

2. A prenspari gi Yehovah sortu mati yu abi?

Yehovah no e teki ala sma leki en mati. Bijbel e taki: „A de bun mati nanga den sma di ati krin” (Odo 3:32). Fa Yehovah ben o firi efu wi ben o teki mati di no lobi en? A ben o sari. (Leisi Yakobus 4:4.) Ma efu wi e wai pasi gi takru mati èn wi e suku bun mati di lobi Yehovah, dan Yehovah o breiti nanga wi èn a o teki wi tu leki en mati.​—Psalm 15:1-4.

 SORTU TRA SANI YU KAN LERI?

4. Yu kan tron mati fu sma di de tra fasi leki yu

Bijbel e taki fu David nanga Yonatan, tu man di ben e libi na ini Israel. Yonatan ben owru omeni yari moro David èn en papa ben de kownu. Ma toku David nanga Yonatan ben de bun mati fu makandra. Leisi 1 Samuel 18:1 èn taki fu na aksi disi:

• Fu san ede wi kan de mati nanga sma di no abi a srefi yari leki wi èn di no kweki leki wi?

Leisi Romesma 1:11, 12 èn taki fu na aksi disi:

• Fa mati di lobi Yehovah kan gi makandra deki-ati?

Na ini a felem disi yu o si fa wan yongu brada feni mati pe a no ben fruwakti dati. Prei a FELEM èn taki fu den aksi disi:

• Fu san ede a papa nanga a mama fu Akil ben broko den ede nanga den mati di a ben abi na skoro?

• Fu san ede a ben wani de mati nanga den boi dati?

• San yepi en fu feni bun mati?

 5. Fa yu nanga tra sma kan tron bun mati fu makandra?

 SAN YU LERI?

Te wi e suku bun mati, dan Yehovah o breiti nanga wi èn wi o de moro koloku.

Fa yu ben o piki den aksi disi?

• Fu san ede a prenspari gi Yehovah taki wi abi bun mati?

• Sortu sma wi no musu teki leki mati?

• Fa yu kan tron bun mati nanga sma di lobi Yehovah?