Qullaawu Maxaafi Xaꞌmonna Dawaro
Maganu isi hiittooho?
Maganu illete leellannokkihu ayyaanu bisi noosiho. Isi iima, uullanna lubbote noore baalankare kalaqinoho. Magano kalaqinohu mittuno dino; isira hanafo dinosi. (Faarso 90:2) Maganu mannu iso hasiꞌraranna iso seekke afara hasiꞌranno.—Hawaariyaatete Looso 17:24-27 nabbawi.
Maganu suꞌma afa dandiineemmo. Isi kalaqino coyibba xunsine laꞌnummoro, akattasi giddo gama huwata dandiineemmo. (Roomu Sokka 1:20) Ikkirono, Magano seekkine afate Qaalesi Qullaawa Maxaafa xiinxalla hasiissannonke. Qullaawu Maxaafi Maganu ayimma afate kaaꞌlannonke.—Faarso 103:7-10 nabbawi.
Maganu taashsho nookki coye baxanno?
Kalaqaanchinke Yihowa taashsho nookki coye giwanno. Qoleno isi manna danisinni kalaqino. (Marro 25:16) Rooru manni taashsho xeꞌino coye giwannohu iseraati. Alamete aana togoo coyi woꞌmanno gede assinohu Magano diꞌꞌikkino. Maganu mannu oosora doodhitinore assate wolapho uyino. Lowo manni kayinni tenne qoossonsa doogimale horoonsiꞌre, taashsho xeꞌinore assanno. Kuni assooti Yihowa wodana lowo geeshsha dadillisanno.—Kalaqo 6:5, 6; Marro 32:4, 5 nabbawi.
Yihowa gara ikkinore assinannita baxanno; qoleno taashshote xeꞌne hegerera heedhara sammi diyaanno. (Faarso 37:28, 29) Qullaawu Maxaafi Maganu muli yanna giddo taashshote xeꞌne raawe hunannota kulanno.—2 Pheexiroosi 3:7-9, 13 nabbawi.
Qullaawu Maxaafi Maganu uullate aana taashsho woꞌmitanno gede assannota kulanno
Kurino Lai
QULLAAWU MAXAAFI XAꞌMONNA DAWARO
Maganoho Suꞌmu Noosi?
Batinye Qullaawu Maxaafi tiro giddo Maganu suꞌmi no. Maganu suꞌma woshsha hasiissannohe?
KAA'LANNOHA QULLAAWU MAXAAFI ROSO
Maganu Qarru Heeˈrara Fajjinohu Mayiraati?
Batinyu manni, ‘Alamete aana qarrunna gibbo togo batidhinohu mayiraati?’ yee hedanno. Qullaawu Maxaafi tenne xaˈmora gari dawaro qolanno.
