KIRISTAANU HEESHSHORA
Minunni Mine Soqqantinanni Wote Danchu Amanyooti Heeꞌroꞌne
Kiristaana lowo manni ‘daꞌꞌatannonsa’ woy laꞌꞌannonsa. (1Qo 4:9) Konni daafira, sabbankeemmo wote mannu maskootete woy saanqu giddoonni qole laꞌꞌankera dandaanno. Mitu manni mininsara kaameeranna mayikirafoone qasiꞌranno daafira ninke laꞌꞌara, macciishshankeranna coyiꞌnoommore qaddaꞌꞌara dandaanno. Minunni mine haꞌne soqqammeemmo wote dancha amanyoote leellisha dandiineemmoti mite doogga aante noote.—2Qo 6:3.
ASSOOTINKENNI (Fil 1:27):
-
Caakkote giddoonni qoltine laꞌinoonte; hatto assa hoogaꞌne qaete anna ayirrissinannita leellishshanno. Xullote uurritine heedhine mitore ittinoonte, agginoonte, silke bilbiltinoonte woy mobayiletenni sokka borreessitinoonte
COYIDHINANNI COYINNI (Ef 4:29):
-
Xullote uurritine heedhine qaete anni macciishshanna coyidhinannikkire coyidhinoonte. Mite halashshaano insa insanaawa hasaawa agurte qaete anni mininni dayiro mayite hasaawissannoro heddanno
