Asi na mo lâ oko awe ti bâ so a yeke ngangu ti fa tënë? Mingi na popo ti e ayeke kiri tënë en na hunda so. Ngbanga ti nyen? Peut-être na yâ ti territoire ti e, e yeke tingbi lakue na azo so asara sanka ti tënë ni, azo so akanga lege na e wala e sara mbeto ti sara tënë na azo so e hinga ala ape. Ti tâ tënë ni, aye so alingbi ti sara si e yeke na ngia tongana ti kozo ape. Ye oko, e voro Nzapa so ayeke na ngia so aye si e sara na lo na ngia (Ps 100:2; 1Tm 1:11). Araison ota wa la ndali ni e yeke wara ngia na fango tënë?

Kozoni, e yeke fa tënë ti beku. Atâa so laso azo ayeke na beku mingi ape, e lingbi ti sara si bê ti ala asi na “nzoni tënë ti mbeni ye so ayeke nzoni mingi.” (És 52:7). Me nzoni tënë ti Royaume ti Nzapa alingbi ti sara nga si bê ti e asi na ngia. Kozo ti gue ti fa tënë, gbu li na ndö ti aye ti nzoni so Royaume ti Nzapa ayeke ga ande na ni na ndö ti sese.

Use ni, nzoni tënë so e fa aga na aye ti nzoni na azo na lege ti mitele nga na ti yingo. Ala manda ti zia asioni sarango ye ti ala nga ala wara beku ti fini ti lakue lakue (És 48:17, 18; aRm 1:16). E lingbi ti tara ti bâ na yâ ti li ti e so e yeke sara kua ti gingo azo nga ti songo ala. Atâa so ambeni zo aye ti tene a sö ala ape, e yeke ngbâ ti gi ala so aye ti tene a sö ala.—Mt 10:11-14.

Ota raison ni, so a yeke kota mingi, a yeke so fango tënë ti e amû gonda na Jéhovah. Lo bâ na nene ni mingi kua ti fango tënë ti e (És 43:10; aHb 6:10). Na ndö ni, na nzoni bê lo mû na e yingo vulu ti lo ti sara na kua so. Tongaso, voro terê na Jéhovah ti wara ngia so aga na lege ti yingo vulu (aGl 5:22). Na mungo maboko ti lo, e lingbi ti hon ndö ti agingo bê ti e nga ti fa tënë na mbeto ape (Kus 4:31). Na nda ni, atâa azo ti territoire ti e asara nyen, e yeke wara ngia na yâ ti kua ti fango tënë so a mû na e.—Éz 3:3.

BÂ VIDÉO KIRI MO WARA NGIA NA MANDANGO BIBLE NGA NA GBUNGO LI NA NDÖ NI, NA PEKONI KIRI TËNË NA AHUNDANGO TËNË SO GE:

• Ngbanga ti nyen e yeke zia mandango ye ti e na kozo ndo, même tongana e yeke fa tënë al’heure mingi nze na nze?

• Na yâ ti aye wa la e lingbi ti sara ye tongana Marie?

• Mo yeke gbu li ti mo ka na ndö ti Mbeti ti Nzapa na ngoi wa?

• Nyen la aga na mo ngia na ngoi so mo yeke fa nzoni tënë?