Barilem ando foro Puerto Limón anda e Costa Rica. Samas 8 phral ai me simas o 7. Kana sas man 8 borsh murho dat mulo, ai pala godia murhi dei bariardias amen korkorho.

De tsinorhara sas mange drago le deportes, numa o beisbol sas so plachalas man mai but. Kana simas terno astardem te khelau mange ande iek equipo tsinorho anda murho them. Kana sas man 20 borsh iek manush kai rodel lashe jugadoruria akhardias man te khelau mange ande iek baro equipo ande Nicaragua. Numa, sar trobulas te arakhau ka murhi dei kai sas nasuali chi kamlem te zhau. La vriamasa aver manush kai rodel lashe jugadoruria akhardias man te khelau mange ando equipo anda murho them. Kotse gata sas aver jugadoruria anda equipuria tsinorhe ai gelem te khelau mange. Simas ando equipo de anda o 1949 zhi ka o 1952 ai kheldem mange ando Cuba, México ai Nicaragua. Kerdem sa mishto ande 17 dati kai kheldem mange. Plachalas man but kana ashunavas ke le manush tsipinas murho anau.

Numa murho traio chi zhalas vorta, makar ankliavas iekha zhuvliasa vi ankliavas avriantsa, ai vi piavas but pimos. Iek gies, makilem defial zurales ke chi zhanavas sar areslem mande khere. Vi khelavas mange pe lovende ando domino ai vi ande loteria.

Ande godia vriama murhi dei kerdili marturo le Jehovasko. Voi kamelas te sikiuau pa e Biblia, numa chi kamlem ke murho gindo numa sas ando deporte. Plachalas man gadia but ke makar sas o chaso te jau, chi aliaravas e bokh, ke khelavas mange. Plachalas man defial zurales o beisbol.

Kana sas man 29 borsh malade man zurales ande iek partido, makar sastilem, trobusardem te mekau te khelau mange ande le bare equipuria. Numa azhutivas avre manushen kai kamenas te khelen peske ande equipuria tsinorhe.

Ando 1957, gelem ande iek baro chidimos katar le marturia le Jehovaske ande iek estadio kai mai anglal khelavas mange. Beshavas kotse ai nashtivas te pakiau sar savorhe ashunenas ande pacha. Ande murho traio chi dikhlem godo kana khelavas mange. Godo azhutisardias man te astarau te sikiuau pa e Biblia le marturentsa le Jehovaske ai te zhau kai chidenpe.

Plachalas man but so sikiuavas pa e Biblia. Iek ejemplo si, ke o Jesus phendias ke ande le palune giesa leske disipuluria sas te ningeren le lashe viesti pa e Amperetsia le Devleski pe sa e lumia (Mate 24:14). Vi sikilem ke le chache kristianuria chi ningeren le lashe viesti pe lovende ke o Jesus phendias: “Tume lian ivia, ivia den” (Mate 10:8).

Sikiuavas pa e Biblia le marturentsa le Jehovaske ai lavas sama so sikavenas ai so kerenas. Plachalas man e zor kai thonas te ningeren le lashe viesti pe sa e lumia. Dem po gor ke von denas ilesa sar sikadias o Jesus ka peske disipuluria. Pala godo kana chitosardem so mothol le suaturia katar o Jesus ando Marko 10:21: “Aidi pala mande”, kamlem te avau marturo le Jehovasko.

Nas vushoro mange te parhuvau uni dieli. Iek ejemplo si, ke de but borsh sas man “iek numero kai delas man baj”, ai khelavas mange ande loteria suako kurko godo numero. Numa ande Biblia sikilem ke nai drago le Devleske le manush kai kamen zurales le love ai godola kai luvudin ka o del katar e lashi baj (Isaías 65:11; Kolosiana 3:5). Pala godia meklem te khelau mange pe lovende. O pervo kurko kai chi gelem ande loteria te khelau mange, o numero kai gindivas kai delas man baj anklisto. Pala godia le manush astarde te asan mandar, ai phenenas ke trobulas te khelau mange pale. Numa chi lem lenge opre. Ande murho traio chi mai kheldem mange pe lovende.

O gies kai boldilem sar marturo le Jehovasko trobusardem te sikavau ke parhudem murho traio (Efisiana 4:24). De riate kana amboldem ando hotel, e zhuvli kai ankliavas de mai anglal sas angla murho vudar, voi phendias mange “Aida, Sammy, besh mantsa kacha riat”. Ande fuga phendem lake: “No!”. Ke traivas sar phenel e Biblia (1 Korintiana 6:18). Ai voi phendias: “So?!”. Atunchi phendias ke nas iek bari prama so sikavel e Biblia ai kamlias te anklias pale. Numa dem andre ai phandadem pe kiaia. Sim veselime ke de kin sim Marturo, de anda o 1958, chi meklem murho nevo traio.

Te avela ke trobul te phenau sa o lashimos kai dias man o Del trobuvas te ramou iek libro. Akana si man chache amiguria, sim veselime ai si man pala soste te traiu.

Zhi agies plachal man te khelau mange ando beisbol, makar agies nai e prama mai bari mange. Mai anglal sas man love ai dikhenas man sar bari diela, numa godola dieli zhantar ande fuga. Numa te avau amigo katar o Jehova ai katar le phral si dieli kai si te ashen pe sa e vriama. E Biblia phenel: “E lumia si te nakhel ai so godi arakhen le manush pe late, numa kodo kai kerel so mangel O Del traiila sagda [siempre]” (1 Iovano 2:17). Agies plachal man: te luvudiu ka o Jehova ai te avau anda lesko foro. Godo si e prama mai bari anda murho traio.