Jehova Diospa testigonkunaqa kasukunikum bibliapa kayna nisqanta: “Respetaychik llapallanta” (1 Pedro 2:17). Ima religionpiña kaptinkupas runamasiykutaqa respetanikum. Wakin llaqtakunapiqa wara-warantin testigokuna kaspaykupas manam politicokunataqa nitaq autoridadkunataqa valekunikuchu huk religionpi kaq runakunata sasachanankupaqqa. Manataqmi mañakunikuchu ñuqaykupa creesqaykuman hina utaq imayna kawsasqaykuman hina leykunata hurquspanku runamasiykuta obliganankutaqa. Ñuqaykuqa respetanikum runamasiykunataqa, munanikutaqmi runamasiyku respetawanankutapas (Mateo 7:12).