¿Yuyachkankichu?

¿Leerqankichu qaynakunalla chaskisqayki LLaqta Cuidaq qellqakunata? Hinaptinqa, yaqapaschá kay tapukuykunata kutichiwaq:

¿Chukchanpichu Sansonpa kallpanqa karqa?

Sansonpa kallpanqa manamá cheqaptaqa chukchanpichu karqa, aswanqa Diospaq rakisqa kaspan Jehová Dioswan allin amistadninpim. Sansonpa chay amistadninmi yanqachakururqa Dalila chukchanta ruturachiptin (15/4, 9 paginapi).

¿Imakunam yanapanman sonqonchikta waqaychanapaq?

1) Mikuyninchik. Aycha sonqonchik allin kananpaqqa allintam mikunanchik. Chaynallataqmi ñoqanchikpas mikuchkaq hina Bibliata estudiananchik. 2) Ejercicio rurayninchik. Diosmanta sapa kuti willakunapaq kallpanchakusqanchikqa yanapawasunmi sonqonchik allin kananpaq. 3) Manam llumpaytaqa hukmanyanachu. Mana hukmanyanapaqmi astawan hukllawakunanchik iñiqmasinchikkunawan, paykunaqa ñoqanchikpim interesakunku (15/4, 16 paginapi).

¿Imanasqataq wañukuqkunamanta discursota qospaqa Salmo 116:15 nisqanta mana leenachu?

Kay textom nin: “Diosman sonqo runakuna wañukuptinqa manam yanqallapaqchu hapin Tayta Diosqa”, nispa. Kaynata nispanqa nichkarqam Diospa lliw serviqninkuna payman sonqo kaspa wañuptinkuqa anchata Dios llakikusqanmanta, chaymi mana wañunankutaqa munanchu. Arí, Jehová Diosqa manam saqenqachu llapallan serviqninkunata enemigonkuna puchukachinantaqa (15/5, 22 paginapi).

¿Pikunataq colportorkuna karqaku?

Paykunaqa karqaku 1931 watakama chayna sutiwan reqsisqa precursorkunam (15/5, 31 paginapi).

¿Pikunataq kanku Daniel 2:44 (NM) nisqanpi ‘llapallan kay gobiernokunaqa’?

Kay willakuyqa rimachkan Nabucodonosorpa mosqosqan runawan tupachisqa gobiernokunallamantam (15/6, 17 paginapi).

¿Haykapitaq Bibliapa willakusqanman hina Gran Bretañawan Estados Unidos nacionkunaqa enteron Pachapi qanchis kaq kamachikuq rikurirurqaku?

Rikurirurqakum enteron Pachapi punta kaq guerra karuptin, chaypim Gran Bretañawan Estados Unidos nacionkuna hukllawakururqaku (15/6, 19 paginapi).

¿Imaynatam casarasqakunamanta huk kaqnin huchapakuruptin kaqmanta confianman?

1) Cheqapta rimaychik, 2) kuska kallpanchakuychik, 3) kallpanchakuychik cambianaykichikpaq hinaspa 4) tiempochakuychik qonqanaykichikpaq (1/7, 20-23 paginakunapi).