21 punchawpis allin costumbreyuqqa karuchwan. Ichaqa wakin yachaysapa runakunam ninku aswan achka punchawpi utaq as punchawllapi wakin runakunaqa allin costumbreyuq karusqankuta. Chaywanpas kallpanchakuspaqa atinkim.

Kaypi yuyaymanay: Sapa semana kimsa kutita kallpaq lluqsinaykipaq tantearuwaq.

• Qallariynin semanapim kimsa kutita kallpaq lluqsiwaq.

• Qatiqnin semanatañataq iskay kutita.

• Qatiqnin semanatañataq kaqmanta kimsa kutita.

• Qatiqnin semanatañataq huk punchawllata.

• Qatiqnin semanatañataq kaqmanta kimsa kutita. Chaymantapacham llapan semanaña kimsa kutita semanapi kallpaq lluqsiwaq.

Pichqa semanapim kallpaq lluqsiyta costumbraruwaq. Ichapas rikchakapusurqanki unay tiempopi atirusqaykipaq, ichaqa kallpanchakusqaykirayku atirusqaykimantam kusikunki.

Bibliaqa niwanchikmi kallpanchakuspaqa allin costumbreyuq kayta allimanta atinamanta. Yuyarinanchikqa manam hayka kutita mana atisqanchiktachu aswanqa kallpanchakusqanchiktam.

• Huk kutipi mana atispaykiqa ama niychu manaña yapapi atinaykitaqa. Yuyariy chaynakuna pasakusqanta.

• Yuyariy allinkuna ruwasqaykita. Sichum munachkanki warmaykikunawan astawan kuyachikuyta hinaspaqa sunquykipi kaynata tapukuy: “¿Haykapitaq piñasqa kachkaspay mana qaqcharurqanichu? ¿Imataq yanapawarqa mana qaqcharunaypaq? ¿Yapatapas yanapawanmanchu?”, nispa. Kayna tapukuykunam yanapasunki allin ruwasqaykikunallapi piensanaykipaq.

Bibliapiqa kachkanmi hawkalla, kusisqalla hinaspa ayllunchikwan allinlla kawsakunapaq achka yachachikuykuna. Chaykunamanta yachayta munaspaykiqa Jehova Diospa testigonkunawan rimay utaq internetpi www.jw.org nisqanman yaykuy.