Qunqayllamantam terremotokuna, llumpay wayra para, utaq ima sasachakuypas yachasqanchik lawpi karunman. Qunqayllamantataqmi enteron pachapi guerrapas qallaykunman utaq ima unquykunapas rikurirunman (Ec 9:12). Kaykunaqa qunqayllatam karunman, chayraykum mana nichwanchu yachasqanchik lawpiqa mana imapas pasananmantaqa.

Chaymi kunanmantapuni tantianaña sasachakuypi tarikuspa ima ruwanapaq, chaynapi mana ñakarinanchikpaq (Pr 22:3). Imapas kaptinqa iñiqmasinchikkunaqa yanapaykuwasunmi, chayna kaptinpas manam iñiqmasinchikkuna yanapawanallanchiktachu suyananchik, aswanqa kunanmantapunim tantiachkanaña chayna sasachakuy kaptin ima ruwanapaq (Ga 6:5).

¿IMATAM RUWACHWAN HATUN SASACHAKUY KAPTINQA? NIQ VIDEOTA QAWARUSPA, KAY TAPUKUYKUNAMANTA RIMARIY:

• • ¿Imaynatam Jehova Dios yanapawanchik hatun sasachakuykuna kaptin?

• • ¿Imanasqataq punta apaqkunaman celularninchikpa numeronta qunanchik?

• • ¿Imakunatataq mochilanchikpi qipichananchik? (g17.5-S pag. 6).

• • ¿Imanasqataq ayllunchikwan rimananchik manaraq ima sasachakuypas karuchkaptin?

• • ¿Imakunata ruwaspam sasachakuypi tarikuq iñiqmasinchikkunata yanapachwan?