Rusia nacionmi Ucrania nacionman bombakunata kachaykurqa, chayqa karqa kay pasaq lunes 10 octubre killapim 2022 watapi. Chayqa karqa Crimea llaqtatawan Rusia nacionta tupanachiq chakata tuñirachisqankuraykum, chaymi Rusia nacionta kamachiq Ucrania nacionman bombakunata kachaykurqa. Manaraq chaykuna pasachkaptinmi gobiernokunaqa nichkarqakuña Armagedon punchaw qunqayllamanta qallaykunanmanta.

•   Kay pasaq 6 octubre killapim 2022 watapi Estados Unidospa presidenten Joe Biden nirqa: “Estados Unidospa presidenten Kennedy, Cuba nacionta bombardeasqanmanta kunankamaqa manam karqañachu ima nacionmanpas bomba kachaykusqankuqa nitaq Armagedonpaq hinaqa karqanchikñachu [...]. Kunan bomba nuclearkunata servichikuspaqa Armagedonpichiki tukusun”, nispa.

•   Bomba nuclear nisqankumanta tapuykuptinkum Ucrania nacionpa presidenten Volodimir Zelenski kaynata nirqa: “Kaykuna pasakusqanqa Armagedonpi kasqanchiktam qawachin, enteron pachapi runakunam peligropi kachkanchik”, nispa (BBC News, 8 octubre 2022).

 ¿Bomba nuclear nisqankuta servichikuptinkuchu Armagedonqa qallaykunqa? ¿Imatam bibliapi nin?

 Manam. Armagedon rimayqa huk kutillatam bibliapiqa rikurin, chaymi kachkan Apocalipsis 16:16 nisqanpi. Ichaqa manam nacionkuna guerrapi kanankumantachu nichkan, aswanqa ‘enteron pachapi kamachikuqkuna’ Dioswan peleanankumantam (Apocalipsis 16:14). Diosmi chay punchawpi enteron allpa pachapi gobiernokunata chinkachinqa (Daniel 2:44).

 Armagedon punchawpi kay allpa pachanchikta imakuna pasananmanta astawan yachanaykipaqqa qawawaqmi “¿Imataq Armagedonqa?” nisqanta.

 Manam. Gobiernokuna bomba nuclear nisqankuta servichikuptinkupas Jehova Diosqa manam saqinqachu kay allpa pachanchik chinkachisqa kanantaqa. Bibliam nin:

•   “Kay allpa pacham ichaqa wiña-wiñaypaq kanqa” (Eclesiastes 1:4).

•   “Allin ruwaq runakunam allpataqa chaskinqaku. Hinaspam wiña-wiñaypaq chaypi kawsakunqaku” (Salmos 37:29).

 Chayna kaptinpas tukuy imakuna qawasqanchikqa yachachiwanchikmi bibliapi willakuykuna cumplikusqanta (Mateo 24:3-7; 2 Timoteo 3:1-5). Hamuq tiempomanta bibliapi willakusqanta yachanaykipaq kallpanchakuy mana qullqillapaq bibliamanta yachanaykipaq.