YACHACHINA 01
¿Imaina Biblia nisckan yanapasun?
Ashcas tapunacuycu cáusay saamanta, usuymanta, huañuymanta y ámoj pachamanta. Afligiaycupas imastis sapa punchaumanta, si suficiente ckoshcke apiycu ʼrantíypaj micuna, o apiyta suj cusi familia. Ashca persunas cuentapi cayerancu ima Biblia contestan cá atun tapunas y nátaj alli consejus ckopucun sapa puncháupaj. ¿Creenqui ima Biblia atin yanapayta pipasta ckam ʼrejsinqui?
1. ¿Mayckancuna cancu tapunas ima Biblia contestan?
Biblia contestan cá tapunas: ¿imaina cáusay ckallarera?, ¿ímaj caypi tiaycu?, ¿ímaj usuncu alli persunas?, ¿cáusay tían huañuptiycu chaymanta?, ¿imajchus ashca guerras túcuy mundupi tían si pas apiyta munaycu? y astaanpas, ¿ima caj ʼrin ashpamanta? Biblia contestan túcuy chá tapunas ima ʼruacoraycu y ashca ashca persunas na chayta ʼruarancu y ancha cusisckas tiancu tarisckancunaan.
2. ¿Imaina Biblia yanapaaycu cusi tiayta sapa punchau?
Biblia alli consejus ckoaycu. Por ejemplu, familiasta yachachin imaina cusisckas cayta. Yanapaaycu áicap saycusckas tiaycu y llamcayta cusisckas. Y áicap cuscas estudiaycu, ckam apréndej ʼrinqui Biblia nisckanta cay imastismanta y astaan ashca imastis. Dejuro unanchayta chayanqui ima «túcuy Escritura [túcuy Biblia nisckan] [...] siruiaycu» (2 Timoteo 3:16).
Cá manual siruin allít atinayquípaj estudiayta Biblia nisckanta. Chayraycu animasuycu leeyta túcuy testus ima caypi ʼricurin y compáray nisckancu aprendesckayquian.
ASTAAN ESTUDIANÁYSH TÍAN YACHÁYPAJ
Ckáaj ʼriycu imaina Biblia ashca persunasta yanapara, ima ʼruayta atiycu lecturaycu cusiscka ʼruanaycúpaj, imainapas yanapaaycu pipas yanapaaptiycu unanchayta.
3. Biblia encaminaáysh
Biblia can suj atun canchachina ina ima atin canchachiyta ñanesniyshta. Yanapaaycu allít decidiyta y yachayta ima llállej ʼrin ámoj pachapi.
Leeychis Salmo 119:105 y ʼrimaychis cá tapunasmanta:
-
¿Ima pensara Bibliamanta pi escribera cá salmo?
-
Ckam, ¿imát ninqui Bibliamanta?
4. Biblia contestan yachanaasckayshta
Suj huarmi ckaara imaina Biblia contestapora tapunas ima ancha unaymanta ʼruácoj cara. Ckaaychis VIDIU y ʼrimaychis cá tapunasmanta:
-
Huarmi vidiumanta, ¿ima tapunácoj cara?
-
¿Imaina payta yanapara Bibliát estudiayta?
Biblia niáysh tapunasta ʼruayta. Leeychis Mateo 7:7 y ʼrimaychis cá tapunasmanta:
-
¿Creenqui Biblia atin contestasuyta tapunasniyquita? ¿Mayckancuna?
5. Bibliát leeyta yanapaayshta atin
Ashca persunasta Biblia leeyta gustapucun, y yanapacun. Ckaaychis VIDIU y ʼrimaychis cá tapunasmanta:
-
¿Imát nincu lecturamanta mositus y sipitas vidiumanta?
-
¿Imajchus cunan mana quiquin layamanta ckaancu lectura Bibliamanta?
Biblíap yachachinasnin consuelu y suyana ckoaycu. Leeychis Romanos 15:4 y ʼrimaychis cá tapunasmanta:
-
¿Munanqui astaan yachayta chá consuelumanta y suyana ima Biblia ckon?
6. Pipaspa yanapanan Bibliát unanchayta atiycu
Nátaj sapallan Bibliát leeyta, ashcasta yanapara estudiayta suj persuna yanapaptin. Leeychis Hechos 8:26-31 y ʼrimaychis cá tapunasmanta:
-
¿Ima precisáysh Biblia nisckanta allít unancháypaj? (Leeychis versículos 30 y 31).
Ckari Etiopiamanta precisara pillapas yanapananta Escriturasta unanchayta. Cunan punchau ashcasta siruipucun Bibliát estudiayta suj persúnap yanapanuan.
HUAQUINCUNA NINCU: «Tiempút chincaycu Bibliát estudiayta».
-
Ckam, ¿imát ninquiman? ¿Ímaj?
BIBLÍAP YACHACHINASNIN
Biblia ashca consejus ckoáysh sapa puncháupaj, tapunas contestan y ckoaycu consuelu y suyana.
Yuyáypaj
-
¿Ima laya consejus Bibliapi tariycu?
-
¿Ima tapunas Biblia contestan?
-
Ckam, ¿ima munanquiman Biblia contestasuchun?
ASTAAN YÁCHAY
Yáchay imajchus consejus Bibliamanta punchausníyshpaj siruiaycu.
Biblíap yachachinasnin túcuy eternidárpaj (La Atalaya, núm. 1 2018 huatamanta)
Ckáay imaina Biblia yanapara suj ckarít ima utulitamantapacha úsoj cara sentimientusninuan.
ʼRéjsiy alli consejus ima Biblia ckon suj cusi familia apíypaj.
«12 yanapas suj familia cusi apíypaj» (¡Despertad!, núm. 2 2018 huatamanta)
Ckáay imaina Biblia unanchachiáysh pensamientus equivocasckas ima nincu pít munduta cachan.
