CANTO 141
Causaica Dios cushca regalomi
(Salmo 36:9)
-
1. Inti llujshijta, llullu huahuata,
sumaj sisacunata ricushpaca
cushillamari sintirinchij Dios.
Punllantami shungumanta pagui ninchij.
(CORO 1)
Jehová canmantami causaica tiyan.
Causaita cushcamantaca cꞌuyashca Dioslla
¿imata cushpataj pagai tucushunri?
Tucui causaipimi canllata cꞌuyashun.
-
2. Huaquincunaca Jehová Diostami
llaquicunamantaca culpancuna.
Chashna nijpipish ñucanchij Dioslla
canllatami shungumanta alabashun.
(CORO 2)
Jehová canmantami causaica tiyan.
Causaita cushcamantaca cꞌuyashca Dioslla
¿imata cushpataj pagai tucushunri?
Shujtajcunatami cꞌuyashpa causashun.
(Cai versocunatapish leyipai: Job 2:9; Sal. 34:12; Ecl. 8:15; Mat. 22:37-40; Rom. 6:23).
