29 a 38 kaqchö imakunapaq willakunqan
Jehovä änikunqan markaman chärirqa, Diospa carpa wayinchönam israelïtakunaqa Jehoväta adorayarqan. Sacerdötikunam leykunata yachatsikuyaq, y juezkunam nacionta dirigiyaq. Kë yachakunëkipaq kaqkunachöqa yachakunki, pipis imatapis decidinqanqa wakinta yanapanqanta o mana yanapanqantam. Cada israelïtam Jehoväta y nuna mayinta rasumpa kuyanan karqan. Wamrëki kaptinqa, Dëbora, Noemï, Josuë, Äna, Jeftëpa warmi wamran y Samuel, marka mayinkunata imanö yanapayanqanta shumaq yachatsi. Rahab, Rut, Jael y Gabaonpita nunakunaqa juk nacionpita këkarmi israelïtakunata yanapayarqan, y tsëtaqa rurayarqan israelïtakunata Diosnintsik imanö yanapanqanta rikarmi. Y tsëtapis wamrëkikunata shumaq yachatsi.
KË KAQ GRÜPU
29 KAQ YACHAKUNËKIPAQ
Jehoväqa Josuëtam akrarqan
Josuëta Dios mandanqankunaqa noqantsiktapis yanapamantsikmi.
30 KAQ YACHAKUNËKIPAQ
Rahabmi rikapakoq ëwaqkunata pakarqan
Jericöpa perqankunaqa juchurirqanmi. Peru Rahabpa wayinqa markata corralaq perqachö këkarpis manam juchurqantsu.
31 KAQ YACHAKUNËKIPAQ
Gabaonpita nunakunam Josuëwan parlayänampaq ëwayarqan
Josuëqa Diostam mañakurqan këkanqanllachö Inti o Rupay quedarinampaq. ¿Diosqa wiyarqanku mañakunqanta?
32 KAQ YACHAKUNËKIPAQ
Juk mushoq juez y ishkë valienti warmikuna
Josuë wanukushqanchömi israelïtakunaqa santukunata adorar qallëkuyarqan y tsëmi sufriyarqan. Peru juez Barac, Diospa willakoqnin Dëbora y Sïsarata estäcawan wanutseq Jaelmi yanapakuyarqan.
33 KAQ YACHAKUNËKIPAQ
Rutwan Noemï
Ishkë viudakunam Israelman kutiyarqan. Rut jutiyoq kaqmi juk chakraman pallapakoq ëwarqan, tsëchömi Boazwan reqinakuyarqan.
34 KAQ YACHAKUNËKIPAQ
Gedeonmi Madian nunakunata vencirqan
Madianïtakuna alläpa sufritsiyaptinmi israelïtakunaqa salvëkunampaq Jehoväta rogakuyarqan. ¿Imanötan Gedeonpa soldädunkunaqa wallkaqlla këkar 135.000 soldädukunata venciyarqan?
35 KAQ YACHAKUNËKIPAQ
Änaqa wamrayoq këta munarmi Diosta mañakurqan
Elcanäqa Diosta carpa wayinchö adorayänampaqmi Änata, Peninäta y wamrankunata Silö markaman wata wata pushaq. Tsëchömi Änaqa wamrayoq kanampaq Jehoväman mañakurqan. Juk wata pasariptinmi Samuel yurirqan.
36 KAQ YACHAKUNËKIPAQ
Jeftëqa änikunqantam cumplirqan
¿Imatataq Jeftë änikurqan? ¿Imanirtan tsëta änikurqan? ¿Ima nirqantan Jeftëpa wamranqa papänin änikunqanta musyarir?
37 KAQ YACHAKUNËKIPAQ
Jehovämi Samuelta parlaparqan
Mandakoq sacerdöti Elïpa wamrankunapis Diospa carpa wayinchömi sacerdöti kayarqan. Peru manam Jehoväpa leyninkunata cäsukuyaqtsu. Samuelqa jukläyam karqan, tsëmi juk kuti paqaspa Jehovä parlaparqan.
38 KAQ YACHAKUNËKIPAQ
Jehovämi poderninwan Sansonta yanaparqan
Diosqa Filisteu nunakunawan pelyanampaqmi Sansonta kallpasapata tikratsirqan, peru upa këta rurëkuptinmi Filisteu nunakuna tsaririyarqan.
