Puka lamarta tsimpayanqampita ishkë killa pasarinqanchömi israelïtakunaqa Sinaï jirkaman chäriyarqan. Tsëchömi Jehoväqa pëkunawan acuerduta rurarqan sirweqninkuna y kuyë markan kayänampaq. Y mikuyänampaqmi ciëlupita manä niyanqanta shikwatsirqan, röpankuna ushakänanta manam permitirqantsu y següru sitiukunapam pusharqan. Wamrëkikuna kaptinqa, carpa wayinta y Leyninkunata Jehovä imanir israelïtakunata entreganqanta, y sacerdötikuna kayänampaq imanir permitishqa kanqanta yachatsi. Y änikunqantsikta cumplinqantsik, humildi kanqantsik y Jehoväta mana dejëpa sirwinqantsik imëkapitapis mas väleq kanqanta yachatsi.