LECCIÓN 60
Ñauparillaypuni
Kaykamaqa Jehová Diosmanta ashkhataña yachakunki. Jehovatapis astawanña munakunki. Chayrayku ichá kausayniykita payman jaywapunkiña, ichá bautizakunkiñapis. Manaraj chayta ruwankichu chayqa ichá piensarishankiña chay imasta ruwanaykipi. Bautizakuspañapis ñauparillaypuni. ¿Imatataj Jehovaman siga qayllaykunaykipaj ruwawaj? Chayta kaypi yachakusun.
1. ¿Imaraykú Jehovaman qayllaykunaykipaj siga kallpachakunayki tiyan?
Jehová Diosman qayllaykunaykipaj kallpachakullankipuni chayqa, ‘creeymanta ni jaykʼaj karunchakunkichu’ (Hebreos 2:1). ¿Imataj Jehovata sirvinallaykipajpuni yanapasonqa? Paymanta runasman willay, waj jinasmanta Jehovata sirviy ima (Filipenses 3:16 leey). Jehovata sirviyqa ni imawan kikinchakunchu (Salmo 84:10).
2. ¿Imatá ruwanallaykipuni tiyan?
Kay publicacionta estudiayta tukushankiña chaypis, cristiano kausayniykeqa recién qallarishan. Chayrayku Biblia nin: “Mosoj runa kaywantaj pʼachallikuychej”, nispa (Efesios 4:23, 24). Bibliata estudiallankipuni, reunionesmanpis rillankipuni chayqa, Jehová Diosmanta astawan yachakunki, imaynachus pay kasqanmantapis. Chantapis pay jina ruwanaykipaj kallpachakuy, kausayniykitapis cambiallaypuni Jehovata kusichinaykipaj.
3. ¿Imastá Jehová ruwanqa ñauparinallaykipajpuni?
Biblia nin: “Diosqa qankunata wakichiyta tukuchanqa. Paymin [...] sinchʼita sayachisonqachej, kallpachasonqachej, sumaj cimientopitaj sayachisonqachej”, nispa (1 Pedro 5:10). Tukuyninchej sajra imasta ruwanapaj tanqasqa kanchej. Jinapis chay kutispi Jehová yanapawasun mana urmanapaj (Salmo 139:23, 24). Chantapis Jehová Diosqa payta sirviyta munanaykipaj, payta sirviyta atinaykipaj ima kallpata qosonqa (Filipenses 2:13 leey).
ASTAWAN YACHAKUNA
Kaypi yachakusun imatachus ruwanata ñauparinallapajpuni, ima bendicionestachus Jehová qonawanchejtapis.
4. Jehovawan parlariypuni
Orakuypis, Bibliata estudiaypis Jehovaj amigon kanaykipaj yanapasorqa. Kunanpis, aswan qhepamanpis chay imasta ruwayqa Jehovaman astawan qayllaykunaykipaj yanapallasonqapuni.
Salmo 62:8 leeriychej, chantá yachakojta tapuriy:
-
Jehovaman astawan qayllaykunaykipaj, ¿imastataj payman willakuwaj?
Salmo 1:2 leeriychej, chantá yachakojta tapuriy:
-
Jehovaman astawan qayllaykunaykipaj, ¿Bibliata leey yanapasunkimanchu?
Bibliata sapallaykipi estudiayqa, Jehovaman qayllaykunaykipaj yanapasonqa. VIDEOTA qhawariychej, chantá yachakojta tapuriy.
-
Videopi rikusqanchejman jina, ¿Bibliata estudiashaspa imastataj ruwasunman?
-
Bibliata estudiashaspa, ¿imasmantataj astawan yachakuyta munawaj?
5. Jehovata yupaychaypi imastachus ruwanaykipi piensariy
Jehovata yupaychaypi imastachus ruwanapi piensareyqa astawan ñauparinapaj yanapawanchej. VIDEOTA qhawariychej, chantá yachakojta tapuriy.
-
Videopi rikorqanchej chay hermanata, ¿Jehovata yupaychaypi imastachus ruwananpi piensarisqan yanaparqachu?
Mana waj suyuman yanapakoj riyta atispapis, Jehovapaj astawan llankʼaypi piensarisunman. Proverbios 21:5 leeriychej, chantá yachakojwan parlariy imaynasmantachus yanapakunamanta:
-
Congregacionpi.
-
Predicacionpi.
Imata ruwanapajpis, ¿imatá ñaupajta ruwana?
Kay imasta ruwaypi piensariy
-
Sumajta orakuyta yachakuy.
-
Tukuynin Bibliata leenaykipaj kallpachakuy.
-
Congregacionniykimanta tukuy hermanosta rejsinaykipaj kallpachakuy.
-
Bibliamanta pillamanpis yachachinaykipaj kallpachakuy.
-
Precursor auxiliar chayri precursor regular jina llankʼanaykipaj kallpachakuy.
-
Hermano kanki chaytaj siervo ministerial kanaykipaj kallpachakuy.
6. Wiñaypaj kusisqa kausakuy
Salmo 22:26 leeriychej, chantá yachakojta tapuriy:
-
¿Imatá ruwawaj kunanpis, aswan qhepamanpis kusisqa kausakunaykipaj?
¿IMASTÁ YACHAKUNCHEJ?
Kaypi yachakunchej wiñaypaj kusisqa kausakunapajqa, Jehovaman qayllaykunapaj kallpachakuna kasqanta, paypaj llankʼanapipis piensarina kasqanta.
Yuyarikunapaj
-
Jehovata sirvinallapajpuni, ¿pay yanapawasunchu?
-
¿Imastá ruwasunman Jehovaman astawan qayllaykunapaj?
-
¿Imaraykú piensarina tiyan imastachus Jehovapaj ruwanapi?
ASTAWAN YACHAKUNAYKIPAJ
¿Jehovapi creesqanchejta uj kutillatachu rikuchinanchej tiyan chayri tukuy kausayninchejpichu? Chayta yachanaykipaj kay videota qhawariy.
¿Imatá ruwasunman Jehovata niña kusisqachu sirvishanchej chay? Chayta yachanaykipaj kay videota qhawariy.
¿Imataj yanapawasunman Jehovapaj astawan llankʼanapaj? Chayta yachanaykipaj kayta leeriy.
“Diospaj astawan llankʼayqa payta jatunchan” (La Atalaya, 15 de julio de 2004)
¿Imaraykutaj wiñay tukusqa cristiano kananchej tiyan? Chayta yachanaykipaj kayta leeriy
“Wakichikunachik ‘Diospa jatun pʼunchaynin qayllamuchkanña’” (Torremanta Qhawaj, 15 de mayo de 2009)
Kaykunatapis qhawaykurillawajtaj
¿IMATÁ TAPUKUNKU JEHOVAJ TESTIGOSNINMANTA?
¿Imaynatá Jehovaj testigosnin Bibliamanta yachachinku?
Jehovaj testigosnenqa, gratis Bibliamanta yachachiyku, qanpis gustasusqan Bibliawan yachakuyta atiwaj. Chantapis familiaykita, amigosniykitapis invitariwaj qanwan khuska yachakunankupaj.
