Profeta Isaías nerqa jina, kay jallpʼapi Jehová Diospa llajtanqa astawan yapakushan (Isa 54:2). Chayrayku astawan necesitakun Tantakuna Wasis, Jatun Tantakuna Wasis, sucursalesta jatunchakunan ima. Ruwakusqantawanqa mantenimientota ruwana, tiempo pasasqanman jinataj wakintaqa allinchana. Chaykunapi yanapakuspaqa, Jehová Diospaj llankʼayta atinchej tukuy tiemponchejwan, kallpanchejwan ima.

• Tantakuna Wasipi gruponchejman llimphuchay tocajtin, yanapakusunman.

• Tantakuna Wasipi mantenimientota ruwanapaj yachachej jamojtinku, yachakusunman.

• Lugarninchejpi Tantakuna Wasista ruwakojtin chayri mantenimientota ruwakojtin yanapakunapaj, Solicitud de voluntario local de diseño y construcción (DC-50) nisqa formulariota juntʼachisunman.

• Betelpi chayri Diospa llajtanpi kaj edificiospi uj semanata chayri astawan yanapakunapaj, Solicitud para el programa de voluntarios (A-19) nisqa formulariota juntʼachisunman.

MOSOJ WASIS RUWAKUNANMANTA NISQA VIDEOTA QHAWAYTAWAN, KAY TAPUYKUNAMAN KUTICHIY:

• 2014 watamantapacha videosta ruwakusqan, ¿imaynatataj yapakushan?

• Ashkha videostawan ruwakunanpaj, ¿imatataj ruwakonqa, mashkha unaypitaj tukukonqa?

• ¿Mashkha yanapakojkunatataj necesitakonqa, mashkha tiempopajtaj yanapakoj riyta atinkuman?

• Kay mosoj wasista ruwaysikunapaj, ¿imaraykutaj DC-50 nisqa formulariota juntʼachisunman, lugarninchejmanta construccionespitaj yanapakusunman?

• ¿Imastaj rikuchin Jehová Dios kay proyectopi yanapashawasqanchejta?

• Kay proyectopi mana yanapakuyta atispa, ¿imatataj ruwasunman?