یسوع چنگی طرحاں جان دا اے کہ جدوں اِک بندے نال ظلم تے نااِنصافی ہوندی اے تے اوہ کیہو جیہا محسوس کردا اے۔ یسوع تے وی جھوٹھے اِلزام لائے گئے تے اوہنوں بِلاوجہ ماریا کُٹیا گیا۔ بھانویں کہ اوہ بے‌قصور سی پر فیر وی اوہدے تے جھوٹھا مُقدمہ چلا کے اوہنوں سزا سُنائی گئی تے بے‌رحمی نال سُولی تے ٹنگ دِتا گیا۔ اوہنے ایہہ سب کجھ ایس لئی برداشت کیتا کیونکہ اوہ انساناں نال پیار کردا اے۔ ایسے وجہ توں اوہنے ”‏بوہت سارے لوکاں لئی اپنی جان فدیے دے طور تے‏“‏ دِتی۔ (‏متی 20:‏28؛‏ یوحنا 15:‏13‏)‏ یسوع ہُن خدا دی بادشاہی دا بادشاہ اے۔ اوہ چھیتی زمین توں ظلم تے نااِنصافی نُوں ہمیشاں لئی ختم کر دَوے گا۔—‏یسعیاہ 42:‏3‏۔‏

 بائبل چ دَسیا گیا اے کہ خدا دی بادشاہی چ زمین دے حالات کیہو جہے ہون گے:‏

•   بھیڑے لوکاں دا ناں نشان مِٹ جائے گا۔ تُوں اوہناں دی جگہ نُوں ویکھیں گا پر اوہ اوتھے نئیں ہون گے۔ پر حلیم لوک زمین دے مالک ہون گے۔ اوہناں دی خوشی دی کوئی حد نئیں ہوئے گی کیونکہ ہر پاسے امن ہوئے گا۔—‏زبور 37:‏10، 11‏۔‏

 یسوع نے انساناں لئی بوہت کجھ کیتا اے تے اَگے وی بوہت کجھ کرے گا۔ اَسی اوہدے لئی شکرگزاری کیویں ظاہر کر سکنے آں؟ اِک طریقہ ایہہ وے کہ اَسی ”‏خدا دی بادشاہی دی خوش‌خبری“‏ بارے سکھئے جدی یسوع مُنادی کردا سی۔ (‏لُوقا 4:‏43‏)‏ اُردو زبان چ ایس مضمون نُوں پڑھو:‏ ”‏خدا کی بادشاہت کیا ہے؟‏‏“‏