Jleichst du de Videos un de perseenelje Froagen von daut Buak Een scheenet Läwen fa emma! to brucken? Woo jeit die daut met de Poats “Waut eenje sajen”, “Nemm die dit väa” un “Mea nosieekjen”? Waut jeft daut doabennen noch, waut die sea halpt, wan du met wäm de Bibel studieescht? (Mat 28:19-20).

Videos un Audios: Wan du daut dolla jleichst, bie een Studium een jedrekjtet Buak to brucken, woo kaust du dan aule Audios un Videos finjen? Du kaust en daut ellektroonische Buak eent von de vea Poats utwälen. Dan kaust du gaunz unjen bie de Videos, Audios un Artikjels fa daut Poat noppdrekjen (see daut 1. Bilt).

“Gedruckte Ausgabe” (Printed Edition, Edición impresa): Wan du biem studieren daut Buak biejlikj opp dien Fon ooda Tablet brukst, dan halpt die daut veleicht, daut eenjemol soo aus de jedrekjte Utgow to seenen. Daut kaun die halpen, nich von daut Hauptteema von daut Kapitel to vejäten. Om daut to seenen, drekj opp de dree kjliene Punkta bowen rajchtsch enne Akj un dan opp “Gedruckte Ausgabe”. Wan du daut wada trigjmoaken west, dan drekj unjen opp dän rootbleiwen Knups ooda opp de dree Punkta un dan opp “Digitale Ausgabe” (Digital Edition, Edición digital).

“Sie ekj reed?”: Dise Kaustes, waut meist opp Enj von daut Buak sent, moaken dänjanjen doaropp reed, wanea dee wudd kjennen met de Vesaumlunk toop prädjen gonen un sikj deepen loten (see daut 2. Bilt).

De Enjnooten: De Enjnooten lajen een wichtjet Teema noch dolla ut. Daut Buak en de JW Library-App haft hinja jieda Enjnoot eenen Link, waut trigj no daut Poat von daut Kapitel jeit, wua dee biejehieet (see daut 2. Bilt).