Ta nesesario pa hasi un reservashon? Sí. Pa evitá ku muchu hende ta bin pareu i pa hasi sigur ku tur hende ta disfrutá di nan tour, nos ta pidi tur hende ku ta bin bishitá, sea ku e grupo ta chikitu òf grandi, pa hasi un reservashon promé ku nan bin hasi un tour. Hasi un reservashon por lo ménos 1 siman di antemano. Si bo bishita ta kai riba un dia liber ofisial, lo ta bon pa bo hasi un reservashon asta mas promé ku esei.

Ta posibel pa hasi un tour si bo no tin un reservashon? Si bo no tin un reservashon, kisas lo bo no por hasi un tour. Debí na espasio disponibel, ta solamente un kantidat limitá di persona por hasi tour kada dia.

Ki ora bo mester yega pa hasi bo tour? Pa evitá ku muchu hende ta bin pareu, por fabor no yega mas ku 1 ora promé ku bo reservashon.

Kon bo por hasi un reservashon? Klik riba “Hasi un Reservashon.”

Ta posibel pa kambia òf kanselá un reservashon? Sí. Klik riba “Wak òf Kambia Bo Reservashon.”

Kiko bo por hasi si no tin tour disponibel riba e fecha ku bo ta preferá? Chèk e site mas despues. E fecha por bira disponibel atrobe si otro hende kambia òf kanselá nan reservashon.

1 Robert Broom Drive East

Rangeview

KRUGERSDORP

1739

SURÁFRIKA

Telefon: +27 11-761-1002

E-mail: InboxBTHLTours.ZA@jw.org

Sentro di Bishitante: E tour ta kuminsá ku un vidio di introdukshon. Tin vários vidio durante e tour ku ta duna bo un idea di loke ta tuma lugá na Bètel i kon Bètel ta apoyá nos adorashon. Mucha ta gusta saka potrèt ku Kalèb i Sofia den e área ku yama: Bira Amigu di Yehova.

Sentro di Bishitante Imprenta 2: Tin tres vidio ku ta mustra e importansia di tradusí i imprimí literatura na e idiomanan lokal. Tin un kaminda den e tour ku bo por mira kon tur dos mashin di imprenta ta traha. E parti sobresaliente di e tour ta e eksposishon di Beibel ku ta mustra kon algun Beibel den e idiomanan lokal a usa e nòmber di Dios den transkurso di tempu.

Sentro di Bishitante Imprenta 3: Den e parti akí di e tour tin un kaminda ku bo por wak henter a área kaminda ta prepará pa manda literatura. Ademas, tin pantaya ku ta mustra unda e literatura ta bai. Tin tres vidio ku ta duna informashon tokante konstrukshon di Salòn di Reino, kon ta manda literatura, i kon ta prepará publikashon di oudio i vidio.

Lugá di piknik i parker: Den e área akí lo bo por kome kuminda ku bo mes a trese. Aki ta e lugá di parker pa konvoi. Riba dia liber ofisial ta usa e área akí pa para tur vehíkulo.

Transporte: Tin bùs ku ta kore entre e sentronan di bishita.

Na e sukursal akí ta imprimí buki, revista, foyeto i tratado na mas ku 150 idioma. Tambe ta manda literatura pa míles di kongregashon na 20 pais. Ademas, ta tradusí Beibel, literatura, i vidio na mas ku 20 idioma. Tambe, sukursal ta apoyá konstrukshon di Salòn di Reino pa medio di e Departamento di Diseño i Konstrukshon na 42 pais.

Download un Foyeto di Tour