Ta dushi ora nos tin bon amigo. Nos por pasa tempo placentero hunto cu nan, y nan por yuda nos den tempo dificil. Pero Bijbel ta spierta nos cu no ta tur hende ta bon amigo pa nos. Pues, con nos por scoge bon amigo? Laga nos trata e siguiente preguntanan.

1. Con bo amigonan por influencia bo?

Hopi biaha, nos por bira mescos cu e hendenan cu nos ta pasa tempo cu ne. Nan por tin sea bon influencia of mal influencia riba nos. Esey ta e caso sea cu nos ta pasa tempo cu nan en persona of via red social. Bijbel ta bisa: “Hende cu ta anda cu hende sabi ta bira sabi, pero hende cu tin amistad cu hende bobo [hende cu no ta stima Jehova] lo sufri daño.” (Proverbionan 13:20) Amigo cu ta stima y adora Jehova por yuda nos keda cu un bon relacion cu Jehova y yuda nos tuma bon decision. Pero si nos cera amistad cu hende cu no ta stima Jehova, esey por aleha nos for di Jehova. Pesey, cu bon motibo Bijbel ta anima nos pa wak bon ken nos ta scoge como amigo. Ora nos amigonan ta stima Jehova, nan lo tin bon influencia riba nos y nos tambe lo tin bon influencia riba nan. Di e manera ey, nos por “sigui anima otro y fortalece otro.”​—1 Tesalonicensenan 5:11.

2. Jehova ta worry ken nos ta scoge como amigo?

Jehova ta wak bon ken e ta scoge como amigo. Bijbel ta bisa: “E tin amistad cera cu hende recto.” (Proverbionan 3:32) Con Jehova lo sintie si nos scoge amigo cu no ta stim’e? Jehova lo keda hopi decepciona y tristo! (Lesa Santiago 4:4.) Di otro banda, si nos rechasa mal amigo y hala mas cerca Jehova y cerca hende cu ta stim’e, Jehova lo ta contento cu nos y lo e scoge nos como su amigo.—Salmo 15:1-4.

 KICO MAS NOS POR SIÑA?

4. Hende cu ta diferente for di nos por bira nos bon amigonan

Bijbel ta papia di dos homber di Israel di antiguedad cu tabata hopi bon amigo di otro: David y Jonatan. Aunke Jonatan tabata mas grandi cu David y tabata yiu di un rey, nan a bira masha pega cu otro. Lesa 1 Samuel 18:1. Despues, analisa e siguiente pregunta:

• Dicon nos amigonan no semper mester tin e mesun edad of posicion social cu nos?

Lesa Romanonan 1:11, 12. Despues, analisa e siguiente pregunta:

• Ora nos y nos amigonan ta stima Jehova, con nos por anima otro?

Den e siguiente video, wak con un ruman homber hoben a haya un amigo cu e no a spera. Pasa e VIDEO. Despues, analisa e siguiente preguntanan:

• Dicon e mayornan di Akil a papia cu ne tocante e amigonan cu e tabatin na scol?

• Na principio, dicon Akil tabata gusta e amistad cu e tabatin cu e hobennan na su scol?

• Kico Akil a haci pa e stop di sinti su mes su so?

 5. Con bo por haya bon amigo?

 RESUMEN

Ora nos scoge bon amigo, nos ta haci Jehova contento y nos mes tambe ta beneficia.

Repaso

• Dicon Jehova ta worry ken nos ta scoge como amigo?

• Ki tipo di amigo nos mester evita?

• Con bo por haya bon amistad cu hende cu ta stima Jehova?